Самарқанд давлат ветеринария медицинаси, чорвачилик ва биотехнологиялар университетига ҳам Конституциямизнинг аудио варианти келтирилди

Самарқанд давлат ветеринария медицинаси, чорвачилик ва биотехнологиялар университетига ҳам Конституциямизнинг аудио варианти келтирилди

Конституциямизнинг янги таҳрири бугун аудиода тақдим этилди, бу ташаббусни эса  Ўзбекистон “Адолат” социал-демократик партияси томонидан яратилганлиги нафақат бизнинг ютуғимиз  балки бу турли давлат ва нодавлат ташкилотлари бундан ташқари олий ва ўрта таълим муассасалари фойдаланувчилари учун айни муддао бўлди десак адашмаган бўламиз. Ушбу китоблар эса ўз навбатида вилоятлар кесимида, маъсуллар иштирокида тарқатилиб келинмоқда.

Ана шундай  тақдимот тадбирларидан бири, Самарқанд давлат ветеринария медицинаси, чорвачилик ва биотехнологиялар университети агротехнология факультети кутубхонасида бўлиб ўтди.  Ушбу аудио китобларимизни факультет декани Бердимуродов Элёр Хайруллаевичга Ўзбекистон “Адолат” социал-демократик партияси Самарқанд вилоят Кенгаши раис ўринбосари, Асқар Холиқов берди.

Янги таҳрирдаги Конституциямизнинг аудио китоблари Самарқанд давлат ветеринария медицинаси, чорвачилик ва биотехнологиялар университетининг ахборот-ресурс маркази ҳамда университетнинг расмий сайтларига, ҳамма бирдек фойдалана олиши учун жойлаштирилди.

Аудио китобларнинг тақдимотлари давлат ва нодавлат ташкилотларида давом этмоқда.

“Адолат” СДП
Самарқанд вилоят Кенгаши
Матбуот хизмати.