"Таган"ликлар ўз депутатидан миннатдор 

Олий Мажлис Қонунчилик палатаси депутати Мақсуд Қурбонбоевнинг  янгиариқлик сайловчилари билан учрашувларининг бирида  “Таган” маҳалласида яшовчи Сопура Қутлумуродова  7 яшар қизи Зарина Мадаминованинг туғма юрак нуқсони касаллиги билан оғриниб келаётгани тўғрисида гапириб,  ёрдам сўраган эди.

-Соғлигинг айниқса,  фарзандларингни саломатлиги яхши бўлсагина  ҳаёт завқини дилдан туйиб яшар экансан, -дейди Сопура Қутлимуродова. –  Кичик қизим мана етти йилдирки, юрак касаллиги билан нафақат ўзи, балки оиламиз билан азият чекиб келамиз. Муолажалар учун дори-дармонларнинг  нархи жуда қимматлиги  боис моддий томондан қийинчиликларга дуч келдик. ОМҚП депутати Мақсуд ака Қурбонбоевга  оилавий аҳволим ҳамда    қизимни операция қилиш учун катта миқдордаги пул маблағи  кераклиги тўғрисида  баён этган эдим, тезкорлик билан муаммоларимизни ҳал этиб берди. Жорий йилнинг  феврал ойида Тошкент болалар шифохонасида жарроҳлик амалиёти ўтказилди. Хозирда қизимни аҳволи жуда яхши. Депутатимиз Мақсуд ака Қурбонбоев, шифокор Норимон Исмоилов ҳамда партия туман Кенгаши раиси Барногул Сапаевадан миннатдормиз. Қадримизни баланд тутган давлатимизга раҳмат.

Шунингдек, С.Қутлимуродованинг операциядан сўнг қизининг саломатлиги тўла тиклангунча уй шароитида ўқитишда ва кейинчалик ҳудудга белгиланган мактаб узоқлиги сабаб, маҳаллада жойлашган  рус тилига ихтисослаштирилган мактабда таълим олишини давом этишида амалий ёрдам сўраб қилган мурожаати ҳам депутат М.Қурбонбоев  вилоят Кенгаши депутати Шер Қўчқаров билан келишилиб ёрдам кўрсатиладиган бўлди.

Фуқарони  ижтимоий ва иқтисодий аҳволидан келиб чиққан ҳолда “Темир дафтар” рўйхатига киритиш масаласи ҳам эътиборга олинди.

Бир сўз билан айтганда, ҳамюртларимизни ҳаёт завқини татиб яшашлари учун тўсиқ бўлаётган муаммо ва нуқсонлардан холос  этишдаги депутатларимизнинг бу каби  фидокорона меҳнатлари инсон қадрини улуғлаш орқали, юртимиз келажагига муносиб ҳиссаси борлиги билан аҳамиятлидир.

    Замира АБДУЛЛАЕВА,

     “Адолат” СДП Хоразм вилоят Кенгаши

матбуот котиби