Талимаржон шаҳрида семинар ташкил этилди

Қарши магистрал каналидан фойдаланиш бошқармаси тадбиргоҳида   Олий Мажлис Қонунчилик палатаси депутати Абдуғани Умиров  сайловчилар билан учрашди. 

Адлия вазирлиги ва Бандлик ва меҳнат муносабатлари вазирликларининг Нишон тумани бўлими вакиллари кенг жамоатчилик иштирок этган семинарда депутат“Янги таҳрирдаги Меҳнат кодекси”нинг мазмун-моҳияти унда илгари сурилган янгиликлар хусусида фикр мулоҳаза юритди.

Шунингдек депутат иштирокчиларга Меҳнат кодексининг янги таҳрирдагисини ишлаб чиқиш ва қабул қилишдан кўзланган асосий мақсад унга киритилган ўзгаришлар ва қўшимчалар ҳақида батафсил тушунчалар бериб ўтди.

Семинар сўнггида иштирокчилар ўзларини қизиқтирган ва соҳада дуч келаётган меҳнат муносабатларига оид саволларга тўлиқ жавоб олишди.

“Адолат” СДП Қашқадарё вилоят Кенгаши

Матбуот хизмати.