Учтепа туман ахолиси: “Бизга тунги капалаклар макони керак эмас”

Хабарингиз бор, Учтепа тумани, 23-мавзе аҳолиси нарозилик билдириб "ZERO" тунги клуби олдига тўпланган эди.

Унда тунги клуб эрталабгача ишлаши, мусиқа баланд қўйилиши, бузуқлик ва мастлар маконига айлангани аҳоли эътирозларига сабаб бўлгани келтирилган эди.

Ўзбекистон “Адолат” СДП Учтепа туман Кенгаши депутатлари билан биргаликда ушбу ҳолатни жойига бориб ўрганди. Бу борада ахоли фикрларини тинглади. Ангашилдики, бу атрофда истиқомат қилувчи халқ тунги клубнинг ишлашидан норози. Қолаверса, бу ёшлар тарбиясига ҳам салбий таъсир кўрсатмоқда.

Ёнгинасида Учтепа туман ИИБнинг кичик бўлинмаси жойлашган бўлишига қарамай тунги клубнинг тонгга қадар ишлашига бамайлихотир жим қараб келинган.

Эслатиб ўтамиз, бундан аввал тунги клублар фақат  соат 11:00 га қадар ишлашига рухсат берилган эди.

Меҳринисо БОБОНАЗАРОВА,

Ўзбекистон “Адолат” СДП

Тошкент шаҳар Кенгаши

матбуот котиби