Уяли алоқа компаниялари қолдиқ лимитни мижозларига қайтариши керак

23.05.2022 17:05:43

Бугун алоқа операторлари ҳақида сўз юритмоқчиман. Қисқа қилиб айтганда, уяли алоқа компаниялари тўлов эвазига ҳар ой маълум белгиланган тариф ставкалари бўйича абонентларга ойлик лимит (мб, смс, дақиқа) тақдим этади. Бу белгиланган лимитни кимдир тўлиқ ишлатиб, қолганига яна сотиб олади. Бу ҳаққоний жиҳати. Аммо баъзилар уни тўлиқ ишлата олмайдилар. Ва лимит қолдиқ ортиб қолади. Лекин у хизматлар эвазига тўланган пул абонентга қайтарилмайди. Абонент кейинги ой учун яна тўлов қилади ва бу тарих яна такрорланаверади. Яна бир жиҳати, агар тариф бўйича ишлатилмаган дақиқа, смс ва мегабайтларни абонент ишлатиб қўйсада, унга олдинги куйиб кетган дақиқа, смс, мегабайтлар қайтарилмайди. Менинг ўйлашимча, бу ерда адолатсизлик бўлмоқда. Абонентнинг хизмат учун тўлаган пули тўлиқ компания ҳисобига келмоқдаю, лекин мижоз компания хизматидан қачондир тўлиқ фойдаланяпти, қачондир эса улгурмасдан яна ёнидан харажат қилиб, хизматдан фойдаланишга мажбур бўляпти.

Менинг фикримча, бу каби ноҳақликни бартараф этиш вақти келди. Чет эл тажрибасидан олиб қарайдиган бўлсак, тарифдан ортган қолдиқ лимит кейинги ойга ўтиб кетади. Ўзбекистон уяли алоқа компаниялари бу жиҳатга жиддий эътибор қаратиши керак.

Ойбек БОЙМОНОВ,

Халқ депутатлари Шайхонтоҳур туман Кенгаши депутати

Улашинг!

Фикрингизни қолдиринг

Илтимос жавобингизни киритинг

+