VICH  бу -  ўзга ҳаёт

Анчадан бери касалликдан қийналиб келадиган беморлар ҳақида гап очилар экан, бизлар бунга қараб тура олмадик. Бундай касалликлар жуда аёвсиз эканлиги касалланганлар билан гаплашгандагина билинар экан.

Депутатлик фаолиятимдан келиб чиқиб, менга кўплаб фуқаролар мурожаатлари келиб тушади. Қабулимда бўлганларнинг бири 12 ёшли бола ҳақида айтмоқчиман. У болакай, афсуски, туғма касал бўлиб туғилган экан. Шифокорлар  унинг яшаш умрини 6 йил деб ташхис қўйишибди. Яъни, 6 ёшгача яшаши мумкин дейишган экан. Аллоҳнинг иноятини қарангки, у бола ҳозирда 12 ёшга тўлибди. Аллоҳ унинг умрини узун қилган бўлса ажаб эмас. У бу ёшга етгунича анча қийинчиликларни бошидан кечирган. Бу ҳақда менга онаси сўзлаб берди. Асосий қийинчилиги - бу атрофдагилар билан  алоқа муносабати бўлиб чиқди, яъни ўртоқлари, қўшнилар ва ҳ.к.

Сўзларидан шуни англадимки, бу болакай ва шу каби болакайларга, ўсмирларга алоҳида махсус боғчалар, мактаб ҳамда ўқув курсларини ўташ учун бир бино, ўқув методикасини қўллаш долзарб масала эканлигини англадик. Чунки уларда атрофидагилар билан муносабатлари, улардан ажралиб қолиш ҳолатлари, ўртоқ орттиришда камчиликлар бўлаётганини тинглаганимизда бу борадаги камчиликларни бартараф этиш лозимлигини тушундик. Бу касалликка чалинганлар ҳам ахир инсонлар-ку. Уларнинг ҳам ҳаётда катта умидлари борлигидан, мақсадлари борлигидан ҳурсанд бўлдик. Мақсадимизни аниқ қўйган ҳолда, келажакда бу каби болаларга боғча, мактаб, ва ўқув курслари учун биноларни барча туман ва қишлоқларда қурилишини ваъда қилдик.

Ойбек БОЙМОНОВ,

Халқ депутатлари Шайхонтоҳур туман Кенгаши депутати