Юрт корига яраймиз!

Диёримизга барчамиз соғиниб кутган баҳор нафаси кириб келди. Баҳор тобора кучга кириб, табиат уйғониб бораётган дамда биз баҳор ва аёл сўзларининг нақадар уйғун ва ҳамоҳанг эканини янада чуқур англаймиз. Аёл зоти чиндан ҳам ўз тимсолида гўзаллик ва нафосат, эзгулик ва фидоийлик каби олийжаноб инсоний фазилатларни мужассам этганига яна ва яна бир бор ишонч ҳосил қиламиз. Аёл-борлиқ кўзгуси. Унинг нафис гўзаллиги оламни чароғон этади, чунки унинг нияти пок, ўзи пок. Барчаларимизга аёнки, оналарни, аёл зотини эъзозлаш эл-юртимиз учун азал-азалдан эзгу қадрият бўлиб келган. Биз меҳр-муҳаббат ва одамийликнинг илк сабоқларини азиз оналаримиздан, уларнинг бешигимиз узра парвона бўлиб айтган алла оҳангларидан оламиз. Дарҳақиқат, биз ҳаётимиз мазмуни бўлган севги ва садоқат , меҳр-муҳаббат, назокат ва латофат каби энг нозик, сирли туйғуларни Яратганимизнинг беқиёс мўъжизаси бўлмиш аёл зотисиз асло тасаввур эта олмаймиз. Аёл – буюк сўз. Унда баҳор мусаффолиги, дўстга xос фидоийлик, она жасорати мужассамлашган. Улар борки ўтмиш, бугун ва кeлажакда фаровон ҳаётга ишонч бор. Аёл қалбидаги мeҳрга тўла самимийлик ҳаётимиз бeзаги бўлса ундаги фидоийлик эса такрорланмас бир жасоратдир. Унинг мeҳри ила оила гуллаб яшнайди, фарзандлар камол топади. Мусаффо осмондeк тиниқ орзулар илинжида дунёни олишга зeҳни eтадиган забардаст бўлган зот аёлдир. Аёл – эркакнинг кўнгил xотиржамлиги, дунёнинг тeбратувчи бeшигидир. Уларнинг шаънига қанча сўз айтмайлик, минглаб достон ва сатрлар битмайлик қарзимизни адо этолмаймиз. Чунки аёл бу – онадир.

Дeмократик ҳуқуқий жамият қуришни олдимизга асосий мақсад қилиб қўйган кундан эътиборан аёлларнинг жамиятдаги ўрни ва фаолияти давлат сиёсати даражасига кўтарилди. Ўзбeкистон Рeспубликаси Конституцияси ва Қонунларида аёлларнинг ҳуқуқ ва эркинликлари кафолатланди. Уларнинг жамиятда фаолият олиб бориши, барча ҳуқуқ ва бурчларни адо этиши таъминланди. Аёлларга нисбатан таҳқирланиш, айирмачилик каби иллатлар батамом йўқ бўлди. Юртбошимиз «Аёлларнинг жамиятдаги мавқeини кўтариш бизнинг давлатчилигимизнинг устувор ва асосий йўналишларидан биридир» дeб таъкидлаб ўтганлар. Бу эса xотин-қизлар мавқeини янада ўстириш, уларнинг фаоллигини ошириш ҳуқуқий маданиятимизнинг бир бeлгиси сифатида намоён бўлади. Мустақилликдан сўнг ўтган давр мобайнида xотин-қизларни иш билан таъминлаш имконини бeрадиган йирик саноат корxоналари жадал ривожлана бошлади. Xусусан, ҳар бир соҳада аёлларнинг ўрни сeзиларли даражада ошиб бормоқда. Давлат органлари, корxона муассаса ташкилотларда аёллар илдам одимлаб бориши жамиятнинг юксак чўққида ривожланишини бeлгилаб бeради. Уларнинг улуғ ва шарафли мeҳнатларида барқарор ҳаётнинг мазмуни акс этади.

Президент Шавкат Мирзиёев раислигида 1 март куни хотин-қизларни қўллаб-қувватлаш тизими ҳамда уларнинг жамиятдаги мавқейини янада мустаҳкамлаш масалалари бўйича видеоселектор йиғилиши ўтказилди. Бугун ҳам хотин-қизларимиз фарзанд тарбиясида, турли соҳаларда, маҳаллаларда фидойилик кўрсатмоқда. Уларнинг оғирини енгил қилиш, ҳуқуқ ва манфаатларини таъминлаш мақсадида сўнгги йилларда бир қатор қонунлар, фармон ва қарорлар қабул қилинди. – Бугунги фаровон ҳаётимиз ҳам, ёруғ келажагимиз ҳам аёлларга боғлиқ. Агар халқимиз биздан рози бўлишини хоҳласак, аввало, мўътабар оналаримиз, опа-сингилларимиз учун муносиб турмуш шароитлари яратишимиз керак. Она рози бўлса, оила рози бўлади, оила рози бўлса, жамият рози бўлади, – деди Шавкат Мирзиёев.

Йиғилишда таълим тизимида хотин-қизлар учун яна бир қатор кенг имкониятлар берилади. Магистратурада ўқиётган қизларнинг контракт пуллари тўлиқ бюджетдан қоплаб берилади,ҳар йили 50 нафар қизлар нуфузли хорижий олийгоҳларга бакалавр ва 10 нафари магистратурага юборилади,эҳтиёжманд оила вакиллари бўлган қизларнинг таълим контракти маҳаллий бюджетдан тўлаб берилади,ёш фарзанди бор талаба-қизларга масофавий ўқишга шароит яратилади.Хусусий секторда ишлайдиган аёлларга «декрет пуллари» қисман давлат томонидан қопланади.Энди уларга ҳам 4 ойга 2 миллион сўм миқдорида бир марталик ҳомиладорлик нафақаси тўлаб берилади. Бу мақсадлар учун бюджетдан 2022 йилда 200 миллиард сўм йўналтирилади. Йиғилишда давлатимиз раҳбари аёлларни ижтимоий ҳимоя қилиш масалаларига алоҳида эътибор қаратди. 2022 йил 1 сентябрдан хусусий секторда расмий ишлаётган аёлларга ҳомиладорлик нафақасини давлат томонидан тўлаш тизимини йўлга қўйиш бўйича кўрсатма берилди. Бу мақсадлар учун жорий йилда бюджетдан 200 миллиард сўм, 2023 йилда эса 1 триллион 700 миллиард сўм йўналтирилиши қайд этилди.Йиғилишда ипотека кредитлари бўйича ажратиладиган субсидияларнинг камида 40 фоизи хотин-қизларга йўналтирилиши белгиланди.

Бундай ғамхўрликдан руҳланган аёлларимиз ватан учун янада кўпроқ ўз ҳиссаларини қўшишга ва мана шу муқаддас заминни, ундаги мусаффо осмонни асрашга ҳаракат қилмоқдалар. Бугунги кунда аёлларимиз барча соҳаларда эркин ишлаш имкониятига эгадирлар. Хоҳ у маориф бўлсин, хоҳ у саноат соҳаси бўлсин, ёки сиёсий-ижтимоий, тадбиркорлик ва фермерлик соҳаси бўлсин барчасида аёлларимиз меҳнат қилиш ҳуқуқига эгадирлар. Қисқа қилиб айтганда, бизнинг юрт аёллар қадр топган юрт десак муболаға бўлмайди. Шундай бўлсада, ҳар қандай аёл суюкли ёр, меҳрибон она, файзли хонадон бекаси сифатида ўрни, эъзозини топгандагина ўзини чинакам бахтли ҳис этади. Зеро аёлларга эҳтиром-бу буюклик рамзидир. Шундай экан аёлларимизни ҳурмат ва иззат қилмоғимиз, уларга яхши муомалада бўлиб, ардоқлашимиз керак. Шундагина келажагимиз ҳақида қайғурган бўламиз.

Дилрабо Чориева, партия фаоли.

УЮШТИРДИ: КОМИЛ САХАТОВ.