Ўзбекистон яна бир уйғониш даврига қадам қўйди

Ўзбекистон “Адолат” СДП Қорақалпоғистон Республикаси Кенгаши ташаббуси билан Навоий давлат кончилик институти ва бир қатор ҳамкор ташкилотлар билан ҳамкорликда «Учинчи Ренессанс босқичи: таълим - мамлакат келажагининг пойдевори» мавзусида видеоконференция бўлиб ўтди.

Мазкур онлайн учрашувда партия ходимлари, профессор-ўқитувчилар, талаба-ёшлар, ҳамкор ташкилотлардаги мутахассислар ва маҳаллий ОАВ вакиллари  қатнашди.

Ушбу тадбирни Ўзбекистон “Адолат” СДП Қорақалпоғистон Республикаси Кенгаши раиси Н.Қаипбергенов кириш сўз билан очди ва олиб борди.

Тадбирдан кўзланган мақсад Президентимиз Шавкат Мирзиёевнинг Ўзбекистон Республикаси давлат мустақиллигининг 29 йиллигига бағишланган тантанали маросимдаги нутқини кенг муҳокама қилишга қаратилди.

Кун тартибидаги масала бўйича Ўзбекистон “Адолат” СДП Қорақалпоғистон Республикаси Кенгаши раиси ўринбосари Р.Отарбаев, маъруза қилди. Институтнинг профессор-ўқитувчиси Д.Жумамуратов, Қорақалпоғистон Республикаси Маҳалла ва оилани қўллаб-қувватлаш вазирлиги бош мутахассиси Г.Уббиева ва бошқалар сўзга чиқдилар.
Маърузачилар томонидан мамлакат илмий салоҳиятини кучайтириш, уни ижтимоий-иқтисодий ривожлантиришда илм-фаннинг ролини ошириш, инновацион иқтисодиётга ўтиш, илм-фан ва ишлаб чиқариш ҳамкорлигини мустаҳкамлаш бўйича амалга оширилаётган кенг кўламли ишларга эътибор қаратилди.

Иштирокчилар ўзларини қизиқтирган барча саволларга батафсил жавоб олишга эришдилар.

Ажинияз ПАХРАТДИНОВ,

Ўзбекистон “Адолат” СДП

Қорақалпоғистон Республикаси Кенгаши Матбуот котиби