Xalq muammolari o‘rganildi

29.11.2021 10:11:38

Joriy yilning 27 noyabr kuni Oliy majlis Qonunchilik palatasi deputati Tavakkal Choriyev Peshku tumaniga rasmiy tashrif buyurib, fuqarolar murojaatlari bo‘yicha tumanning mutasaddi rahbarlari bilan uchrashuv olib bordilar. Jumladan, “Hududgaz Buxoro” gaz ta’minoti filliali “Peshku tumangaz” GTB boshlig‘i F.Haydarov, tuman elektr tarmoqlari bog’lamasi boshlig’i O‘.To‘qsanov, Maktabgacha ta’lim bosh hisobchisi F.Qurbonov, Yoshlar agentligi rahbari I.Hamroyev va tuman tibbiyot birlashmasi bosh vrach o‘rinbosari O.Karimovlar ishtirokida uchrashuv o‘tkazildi, shuningdek ushbu uchrashuvda fuqorolar tomonidan bildirilgan murojaatlar atroflicha o‘rganildi.

         Shuningdek, davlatimiz rahbari tomonidan joriy yilning 2 noyabr kuni o‘tkazilgan videoselektor yig’ilishidan so‘ng 2 noyabrdan 10 dekabr kuniga qadar mevali va manzarali ko‘chatlar ekish bo‘yicha “dolzarb 40 kunlik” kun e’lon qilingan bo‘lib, Peshku tumanining “Nurafshon” mahallasida ham “yashil makon” umummilliy loyihasi doirasida 21 gektar “yashil makon” maydoni tashkil etildi. Ushbu “yashil makon” maydoniga deputat Tavakkal Choriyev, Xalq deputatlari tuman Kengashi kotibiyat mudiri F.Hamidov, tuman hokimi o‘rinbosari A.Rajabov, mahalliy Kengash deputatlari F.Boltayev va F.Ro‘ziyevlar ko‘chat ekish aksiyasida faol ishtirok etib, yurtimiz obodonligi yo‘lida o‘z hissalarini qo‘shdilar.

         Oliy majlis Qonunchilik palatasi deputati Tavakkal Choriyev tashrifi davomida tumanning “Nurafshon” va “Quchoq” MFY hududlarida qurilayotgan ko‘prik inshootlari holatini ham o‘rganib chiqdilar, bundan tashqari tuman markazidagi yo‘llarning ta’mirlash jarayonlari o‘rganildi.

         Tashrifdan ko‘zlangan asosiy maqsad ham xalq muammolarini o‘rganib, ularga ijobiy yechim topishdan iboratdir.

“Adolat” SDP Buxoro viloyati matbuot xizmati

+