“Adolatchi”-volontyorlar toʻgʻri ovqatlanish tarafdori

Inson salomatligi haqida gapirganda kasallikni davolagandan koʻra uni oldini olish qanchalik zarurligini yaxshi bilamiz. Bu borada toʻgʻri ovqatlanish ham katta ahamiyat kasb etadi.
“Adolat” SDP Andijon viloyat kengashi tashabbusi bilan Andijon davlat tibbiyot instituti talabalaridan iborat “Adolatchi”-volontyorlar guruhi aʼzolari dehqon bozorlariga ana shunday maqsad bilan kirib bordi. Boʻlgʻusi shifokor safdoshlarimiz sotuvchi va xaridorlar orasida toʻgʻri ovqatlanish, sogʻlom turmush tarzi va kasalliklarni oldini olish oʻz qoʻlimizda ekanligi xususida tushuncha berdilar.
“Sogʻlom turmush tarzi yoʻlida birlashaylik!” shiori ostida tashkil etilgan aksiya jamoatchilik tomonidan qoʻllab-quvvatlandi.

Kundalik ovqatlanish tartibi, tabiiy va foydali mahsulotlar isteʼmol qilishning foydasi borasida ishtirokchilarni qiziqtirgan savollarga javob berildi.

“Adolat” SDP Andijon viloyat kengashi
Matbuot xizmati.