Aholi muammolari oʻrganildi

Oʻzbekiston “Adolat” SDP Ellikqalʼa tuman Kengashi raisi va partiyadan xalq deputatlari Ellikqalʼa tumani Kengashi deputatlarining saylovchilar bilan uchrashuvi boʻlib oʻtdi.

Mutasaddilar dastlab, kam taʼminlangan, ijtimoiy koʻmakka muhtoj oilalarning holidan xabar olib, ularning turmush sharoiti bilan yaqindan tanishdi.

Bundan soʻng, fuqarolarning ijtimoiy yordam, elektr energiyasi, gaz, ichki yoʻllar, ish bilan taʼminlash masalalari boʻyicha murojaatlari tinglandi. Masalan, “Navoiy” mahallasida istiqomat qiluvchi fuqaro Madrahimova Nazokat tuman tibbiyot birlashmasiga ish bilan taʼminlab berish boʻyicha murojaat qilgan.

Bu masala boʻyicha tuman kambagʻallikni qisqartirish va bandlikka koʻmaklashish boʻlimidan amaliy yordam berish soʻralgan. Ushbu murojaatning ijobiy yechim topishi nazoratga olingan.

“Adolat”SDP

Qoraqalpogʻiston Respublikasi kengashi Matbuot xizmati.