Aholining real daromadlarini oshirishga e’tibor qaratamiz

Bugun 77-sonli ixtisoslashtirilgan maktab internati tadbirgohida O‘zbekiston Respublikasi Prezidentligiga nomzod Robaxon Maxmudovaning Qashqadaryo viloyatidagi ishonchi  vakili Ruiddin Raupovning G‘uzor tumani saylovchilari bilan uchrashuvi bo‘lib o‘tdi. Unda deputatlar, mahallalar a’zolari, xotin-qizlar va yoshlar vakillari, keng jamoatchilik hamda ommaviy axborot vositalari xodimlari qatnashdi.

Uchrashuvda Ruiddin Raupov  barcha sohada ijtimoiy adolatni qaror toptirish muhim ekanligini alohida e’tirof etdi. Nomzod dasturida ijtimoiy adolat tamoyili va keng ko‘lamli dasturlarning amalga oshirilishini ta’minlaydigan kuchli ijtimoiy davlat siyosati yuritish asosiy vazifa etib belgilanganligi, shuningdek adolatli jamiyat va huquqiy davlat barpo etishda taʼlim, ilm-fan va innovatsiyaning ahamiyatini oshirish choralarini koʻrish, olimlar, va ixtirochilarni qoʻllab-quvvatlash, ularga zarur shart-sharoitlar yaratishga doir qator maqsadlar belgilanganligi borasida  samarali takliflar borasida alohida toʻxtalib oʻtdi.  

Ruiddin Raupov nomzod dasturidan kelib chiqqan holda “Ijtimoiy davlat-2030” dasturini ishlab chiqish, mamlakat iqtisodiyotini barqaror o‘sishini ta’minlash, ilm-fan, innovatsiyalar va ta’lim sohasining barqaror rivoji taraqqiyotimiz kafolati ekanlig xususida ham so‘z yuritdi.

Uchrashuv savol-javoblar asosida kechdi. To‘planganlar o‘zlarini qiziqtirgan barcha savollarga kerakli javob oldilar.

     Bahrom Mustafayev,

“Adolat” SDP G‘uzor tumani Kengashi raisi.