Banokatiyliklarga yangilanayotgan Konstitutsiya boʻyicha maʼlumot berildi

Mirobod tuman “Banokatiy” MFYda “Oʻzbekiston Respublikasi Konstitutsiyasi toʻgʻrisida”gi Konstitutsiyaviy qonun loyihasi boʻyicha iqtisodiy, ijtimoiy, siyosiy va huquqiy sohalarda kiritilayotgan qoʻshimcha va oʻzgartirishlar yuzasidan uchrashuv oʻtkazildi.

Unda Xalq deputatlari Toshkent shahar Kengashi deputati T.B.Matibayev xamda Banokatiy MFY raisi M.U.Kadirovlar sermazmun maʼruzalari bilan ishtirok etishdi.

Uchrashuv soʻngida barcha ishtirokchilarga oʻz siyosiy huquqlaridan unumli foydalangan holda 30-aprel kuni oʻtkaziladigan Referendumda faol ishtirok etish lozimligi tushuntirildi.

Shuningdek, shu kabi tadbirlar Mirzo Ulugʻbek tumanida joylashgan AJ “TURON” sihatgohi ishchi xodimlari va sihatgohga kelgan fuqarolar bilan oʻtkazildi.

Tadbirda Toshkent shahar Kengashi deputati, senator Sagdullayev Shomansur Shaxsaidovich va Xalq deputatlari Mirzo Ulugʻbek tuman Kengashi deputati Shamaxmudov Shoanvar Shamuxtarovich ishtirok etdi.

Mehrinio Yakubova,
“Adolat” SDP Toshkent shahar Kengashi
matbuot kotibi