Bilim bor joyda yuksalish boʻladi

“Adolat” SDP Termiz tuman Kengashi va deputatlik guruhi aʼzolaridan tashkil etilgan ishchi guruhi tomonidan “Oʻzbekiston-2030”strategiyasining 2023-yilga moʻljallangan amaliy tadbirlar rejasining 6-bandida umumiy oʻrta taʼlim muassasalarida yuqori sinf oʻquvchilarining qobiliyati va tanlovi asosida maktablarda tayanch oʻquv rejasi hamda amalda mavjud sinflarda matematika — chet tili yoʻnalishida oʻquv rejasini ishlab chiqish va amaliyotga joriy etish, shuningdek 2023-2024 oʻquv yilida tumandagi 16-AFCHOʻSMUMda tajriba- sinov tariqasida tanlov fanlarini joriy etilganlik holatlari oʻrganildi.

Oʻrganishlar davomida ishchi guruhi tomonidan mazkur strategiyada yuqorida belgilangan vazifa doirasida maktablarda tayanch oʻquv rejasi hamda amalda tumandagi 16-sonli AFCHOʻSMUMda kimyo-biologiya, fizika-matematika, ona-tili- chet tili, matematika – chet tili yoʻnalishida oʻquv rejasini ishlab chiqish va amaliyotga joriy etish hamda 2023-2024 oʻquv yilida maktabda tajriba-sinov tariqasida tanlov fanlarini joriy qilish ustidan “Adolat” SDP vakillariga jamoatchilik nazorati oʻrnatish vazifasi belgilanganligi taʼkidlandi.

Shundan soʻng, ishchi guruh tomonidan olib borilgan oʻrganishlar jarayonida tumandagi 16-AFCHOʻSMOʻMda Oliy taʼlim fan va innovatsiyalar vazirligi hamda Taʼlimni rivojlantirish Respublika ilmiy metodik markazi tomonidan ushbu tayanch oʻquv dasturi asosida oʻquvchilarga taʼlim berayotgan oʻqituvchilar uchun hech qanday adabiyotlar va metodik qoʻllanmalar yetkazib berilmaganligi aniqlandi.

Shuningdek, oʻrganish uchun tanlangan maktablarda ushbu tayanch oʻquv dasturini tatbiq etish uchun Termiz tumani 16-sonli AFCHOʻSMUMda chet tilini oʻrgatish uchun maxsus lingvistik apparat mavjud emasligi ham maʼlum boʻldi.

Shuxrat Xaitov,

“Adolat” SDP Termiz tuman Kengashi raisi.