Boʻlajak muhandislar huzurida

Oʻzbekiston Respublikasining yangilanayotgan Konstitutsiyasi munosabati bilan oʻtkaziladigan umumxalq referendumini uyushqoqlik bilan tashkil etish borasidagi tashviqot-targʻibot ishlari jadal davom etmoqda. 

Bunday uchrashuvlarning navbatdagisi Namangan muhandislik-texnologiya institutida boʻlib oʻtdi. Unda professor-oʻqituvchilar, talabalar, ularning ota onalari ishtirok etdilar.

Tadbirda qatnashgan “Adolat ” SDP Namangan viloyat va shahar Kengashi vakillari Konstitutsiyaga kiritilgan oʻzgartishlar va qoʻshimchalar, referendum oʻtkazishning mohiyati, tartibi borasida atroflicha gapirib berdilar. Barchani ushbu siyosiy jarayonda faol boʻlishga chaqirdilar.

— Bunday tadbirlarni belgilangan jadval asosida barcha oliy va oʻrta maxsus oʻquv yurtlarida oʻtkazishni rejalashtirganmiz, — deydi “Yosh adolatchilar” qanoti faoli Akbarjon Mansurov. – Chunki talabalar umumxalq referendumida ilk bor qatnashadilar. Ularga mazkur siyosiy jarayon haqida batafsil maʼlumot berish katta ahamiyatga ega. Ishtirokchilar yangilanayotgan Konstitutsiyaga oid bilimlarini yanada mustahkamlaganliklarini izhor etganliklari diqqatga sazovordir.

Talabalar bilan uchrashuvda “Adolat” SDP Namangan viloyat Kengashi raisi Isroiljon Joʻrayev, Xalq deputatlari viloyat kengashidagi “Adolat” SDP guruhi aʼzolari Saidolim Abdurahmonov, Otabek Nazarov ishtirok etdilar va soʻzga chiqdilar.

Nurbek ABDULLAYEV,
“Adolat” SDP Namangan viloyat Kengashi matbuot kotibi.