Deputatimiz milliy tanlovining viloyat bosqichiga yoʻllanmani qoʻlga kiritdi

Mamlakatimizning ijtimoiy-iqtisodiy rivojlanishiga oʻzlarining ulkan hissasini qoʻshib kelayotgan, yuksak maʼnaviyatli, oilada va farzand tarbiyasida ibrat boʻlish bilan birga oʻzlari faoliyat koʻrsatayotgan tashkilotlar nufuzini oshirishda faol ishtirok etayotgan turli soha egalari boʻlgan xotin-qizlarni qoʻllab-quvvatlash hamda ilgʻor tajribalarini ommalashtirish maqsadida “Yil ayoli 2023” milliy tanlovining Qorakoʻl tuman bosqichi oʻtkazildi.

Ushbu tanlovda xalq deputatlari Qorakoʻl tuman Kengashi deputati Raʼno Shukurullayeva ham qatnashib, “Oʻz kasbining ustasi boʻlgan yil ayoli” nominatsiyasi boʻyicha tumanda faxrli birinchi oʻrinni egalladi. Tadbirdan koʻzlangan maqsad — jamiyat hayotida faol ishtirok etayotgan, ibratli xotin-qizlarni aniqlash, ularning faoliyatini keng jamoatchilikka yaqindan tanishtirish, ilgʻor ish tajribasini ommalashtirish. Koʻrik-tanlovda ishtirokchilar 3 ta shart boʻyicha bellashdilar.

Belgilangan yoʻnalishlarda gʻolib boʻlgan ishtirokchilar tanlovning viloyat bosqichiga yoʻllanmani qoʻlga kiritdi.

Mohigul Rahimqulova,

“Adolat” SDP Buxoro viloyat Kengashi Matbuot kotibi.