Deputatlar aholi murojaatlarini tingladi

Pastdargʼom tumanidan saylangan deputatlar Feruz Toʼraev hamda Gulbeka Qoʼchqorovalar aholi bilan uchrashib, ularning dard-u tashvishlarini tinglashdi. Deputatlar aholi muammolarini tinglab, imkon qadar yechimini topishga harakat qilishdi.

Deputatlarning bu galgi uchrashuvi ham samarali kechdi. Ular tumandagi bir qator mahallalarda boʼlib, u yerda istiqomat qilib kelayotgan fuqarolarning murojaatlarini joyida oʼrgandi.

Xususan, Pastdargʼom tumani “Sanchiqul”, “Qator terak” va “Poʼlatchi” mahallalari aholisi bilan boʼlib oʼtgan uchrashuvlari davomida yangi transformator oʼrnatib berish, koʼprik qurish, yoʼllarga shagʼal yotqizish, bandlikni taʼminlash kabi masalalarda murojaatlar bildirildi.

Deputatlar ushbu murojaatlarni toʼliq oʼrganib, oʼz vakolatlari doirasida tegishli tashkilotlarga deputatlik soʼrovlarini yuborish orqali, masalalarga yechim topadigan boʼldi.

Xonbuvi Hayitova,

“Adolat”SDP  Pastdargʼom tuman Kengashi raisi.