Diabetni birgalikda yengamiz

Ma’lumri, Jahon sogʼliqni saqlash tashkiloti tomonidan 14 noyabr "Xalqaro diabetga qarshi kurash kuni" sifatida eʼtirof etilgan.

Shu munosabat bilan Oʼzbekiston "Аdolat" sotsial-demokratik partiyasi Saylovoldi dasturining  "Kuchli ijtimoiy siyosat-xalq farovonligining kafolati" bandi ijrosini taʼminlash maqsadida mamlakatimizda partiya Markaziy apparati hamda  hududiy Kengashlari tomonidan qandli diabet kasalligi bilan kasallangan bemorlarimiz uchun amaliy yordam berish, kasallikni oldini olishga qaratilgan tadbirlar tashkil etish va aholining turmush,  ovqatlanish tarzini oʼzgartirish orqali kasallikdan saqlashga qaratilgan "Qandli diabet kasalliklarini oldini olish haftaligi" loyihasi doriasida Xorazm viloyat va shahar, tuman Kengashlari tomonidan joylarda targ’ibot tadbirlari tashkil etilmoqda. Ana shunday tadbirlardan biri 14 noyabr kuni Respublika ixtisoslashtirilgan endokrinologiya ilmiy amaliy tibbiyot markazi Xorazm filialida  bo’lib o’tdi.

Tadbirda "Аdolat" partiyasi viloyat Kengashi raisi T.Palvanov qatnashib, aholiga qandli diabet kasalligini paydo boʼlishi va uni oldini olish chora tadbirlari toʼgʼrisida maʼruza qildi.

Soha xodimlariga partiyaning esdalik sovgʼalari ulashildi.

“Adolat” SDP Xorazm viloyati Kengashi Matbuot xizmati