Eʼtibor yanada fidoyi boʻlishga undaydi

Yurtimizda oʻtgan yillar mobaynida barcha sohalarni yanada rivojlantirish borasida koʻplab tizimli islohotlar olib borildi va ijobiy natijalarga erishildi. Ammo, hali ham samarali mexanizmlar yaratilishida, yangilanishlar va oʻzgarishlar kiritilishida qilinishi lozim boʻlgan ishlar ham yoʻq emas.

Davlatimiz rahbari Shavkat Mirziyoyevning kelgusi 7 yilda Oʻzbekistonning asosiy rivojlanish yoʻnalishlarini belgilab beruvchi, mamlakatimiz porloq kelajagiga xizmat qiluvchi “Oʻzbekiston – 2030” strategiyasi va uni 2023 yilda amalga oshirish chora-tadbirlari loyihalari regulation.gov.uz va 2030.strategy.uz portallarida keng jamoatchilik muhokamasi uchun joylashtirildi.

Keng koʻlamli islohotlar jarayoni izchil davom etib, ular sermahsul boʻlishidan butun xalqimiz manfaatdordir. Shuning uchun muhokamalarda barcha davlat va jamoat tashkilotlari, fuqarolik jamiyati institutlari, nodavlat notijorat tashkilotlari vakillari qolaversa, yurtimiz taqdiriga befarq boʻlmagan fuqarolar ham oʻz fikr-mulohazalari bilan ishtirok etishdi.

Shuni alohida eʼtirof etish joizki, Taraqqiyot strategiyasini ishlab chiqish va qabul qilishda Harakatlar strategiyasiga nisbatan mamlakatimiz aholisining ishtiroki sezilarli darajada ortdi. Bu bilan hujjatning yanada xalqchilligi taʼminlandi.

“Adolat” SDP Paxtakor tuman Kengashi raisi Husniddin Qurbonov ham mazkur muhokamalarda faollik koʻrsatib, oʻzining koʻplab fikrlarini bildirgan edi. Ushbu faollik “Taraqqiyot strategiyasi” markazi tomonidan eʼtiborga olinib, tashakkurnoma taqdim etildi.

Koʻrsatilayotgan bunday eʼtibor albatta barcha yurtdoshlarimizni yanada faol va fidoyi boʻlishga, yurtimizning yanada gullab-yashnashida daxldorlik hissi bilan yashashga undashi shubhasiz.

“Adolat” SDP Jizzax viloyat Kengashi

Matbuot xizmati.