Faol deputatlar rag'batlantirildi

Maftunaxon Mamatova — Xalq deputatlari Pop tuman kengashidagi “Adolat” SDP guruhi yetakchisi. Partiyadoshimiz bu vazifani bajara boshlaganiga ikki yil boʻldi. saylovchilarning murojaatlari bilan ishlashni aʼlo darajada yoʻlga qoʻygan. Nafaqat guruh balki doimiy komissiya faoliyatini yoʻlga qoʻyishda ham jon kuyarlik koʻrsatadi. Sessiyalarda muhokama etiladigan masalalar boʻyicha ham doim oʻz fikrini bildiradi, bunda albatta, partiyadoshlarning Saylovoldi dasturida olgʻa surilgan gʻoyalariga asoslanadi. Xalq taʼlimi xodimi va keng jamoatchilik  M. Mamatovani tumandagi eng yaxshi pedagogik jamoalardan birining rahbari sifatida ham yaxshi biladi. Deputatimiz direktorlik qilayotgan 31-maktab bugungi kunda namunali ilm maskanlaridan biriga aylangan. Madaniyat qishlogʻi aholisi farzandlariga taʼlim-tarbiya berayotgan muallimlar mehnatidan nihoyatda mamnun. Ayniqsa, oliy oʻquv yurtlariga kirayotgan bitiruvchilar soni har yili ortib borayotgani quvonchli.

— Mahalliy kengashlaridagi barcha deputatlarmiz Maftunaxondan oʻrnak olishga intiladilar — deydi “Adolat” SDP Namangan viloyat kengashi raisining oʻrinbosari Bahodir Boltaboyev. Biz yaqinda deputatlarmiz faoliyatning 2022-yildagi yakunlarini chiqardik. Bunda saylovchilarning fikrlari ham alohida hisobga olindi. Yuqori natijalarga erishganlar orasida Maftunaxon ham bor. Xalq deputatlari viloyat kengashidagi “Adolat” SDP guruhi aʼzolari oʻrtasida esa Vohitxon Gʻafforov eng faol deb topildi. bugungi kunda Namangan shahridagi eng ilgʻor qurilish tashkilotlaridan biriga bosh. Jamoa olib borayotgan bunyodkorlik ishlari har tomonlama tahsinga loyiq. Tajribali tadbirkorlik burchini ham namunali ado etmoqda. Saylov okrugi hududida qabullar oʻz vaqtida va muntazam oʻtkazib kelinmoqda. Har bir murojaat nazorat ostiga olingan. Ularning aksariyati oʻz vaqtida hal etilmoqda. Yaqinda oʻtgan yil yakuniga koʻra eng faol inson deb topilgan partiyadosh deputatlarmiz munosib ragʻbatlantirildi. Ularga “Adolat” SDP Siyosiy Kengashi raisi B. Abduhalimov imzolagan tashakkurnoma va esdalik sovgʻalari bilan taqdirlandilar. Ular orasida Uchqoʻrgʻonlik Feruza Abdullayeva, Poplik Shamsiddin Abdurahimov, Kosonsoylik Gʻulomjon Hamdamov ham bor.

Mukofotlarni “Adolat” SDP viloyat kengashi raisi Isroiljon Joʻrayev topshirdi.

Nurbek ABDULLAYЕV,

 "Adolat" SDP Namangan viloyat

 Kengashi matbuot kotibi.