Gazeta  bilan  hamnafas…

Gazeta jamiyatda bòlayotgan ijtimoiy-siyosiy, iqtisodiy, madaniy-maʼrifiy va ilmiy hayotga oid dolzarb axborotni hozirjavoblik bilan turli adabiy janrlarda ommaga yetkazadi va shu yoʻl bilan oʻz gazetxonlarida kundalik turmush voqealariga nisbatan maʼlum munosabat va tasavvur paydo boʻlishiga, siyosiy, iqtisodiy, axloqiy gʻoya va eʼtiqodlar shakllanishiga taʼsir koʻrsatadi, jamoatchilik fikrining natijasi hamda ifodachisi sifatida namoyon boʻladi. Jurnal gazeta kabi jamoatchilik fikriga taʼsir oʻtkazish yoʻli bilan uni shakllantirishga xizmat qiladi.

Omma ijtimoiy ongiga muayyan gʻoya va qadriyatlarni singdiradi. Afsuski gazeta-jurnallargaaholi talabi, qanchalik tez va koʻp sotilishi oʻrganilganda, xaridorlar soni yil emas,oy emas kun sayin kamayayotgani, jiddiy nashrlardan koʻra, koʻngilochar, teledasturlar jamlanmasi, turfa boshqotirma, krossvordlar toʻplangan gazetalar sotilayotgani maʼlum boʻldi.

Hozirgi davrda yoshlarimiz oʻrtasida ommaviy axborot vositalaridan foydalanish va internet xuruji avj olib bormoqda. Davr talabiga mos va xos boʻlish yaxshi lekin internetdan, ijtimoiy tarmoqlardan toʻgʻri foydalanmayotganlar ham talaygina. Odamlar kitob va gazeta oʻrniga telefon bilan band boʻlib qolishmoqda.

Oʻzbekistonda matbuot soni oshgani bilan, sifati aʼlo darajada emas. Soʻnggi yillarda bir necha sifatsiz va faol bòlmagan gazetalar faoliyati toʻxtatilganligi ham bunga yaqqol dalildir. Shunga qaramay mutaxassislarning fikriga koʻra, gazeta va jurnallarni oʻqish juda foydali mashgʻulot sanaladi. Bu bilimlarni, oʻrganish va eslab qolish qobiliyat darajasini oshiradi, shuningdek, dolzarb mavzular, sport, sanʼat yoki boshqa barcha sohalarga bilan bogʻliq har qanday bahsda qatnashganda sizga katta ustunlik beradi. Shunday ekan, gazeta, jurnal mutola qilishni odatiy kundalik tarzimizga aylantiraylik.

Shaxzod Noʻmonov,

“Adolat” SDP Namangan viloyat kengashi matbuot kotibi.