Hech kim mehr va eʼtibordan chetda qolmaydi

Taqdir sinovlari tufayli oʻzgalar koʻmagi va mehriga muhtoj boʻlib qolgan oilalarni yoʻqlash, ularni ruhan, maʼnan qoʻllab-quvvatlash azaliy qadriyatlarimizdan sanaladi. “Adolat” SDPdan Qoʻshtepa tuman Kengashi deputatligiga saylangan Aʼzamjon Ahmadjonov oʻz saylovchilari bilan doimo muloqot qilib, turli muammolarga duch kelgan oila vakillarini qoʻllab-quvvatlab quvvatlab kelmoqda.

Aʼzamjon Ahmadjonov “Adolat” SDP Qoʻshtepa tuman Kengashi raisi va partiya faollari bilan birgalikda tumandagi “Fayz” mahallasida navbatdagi xayriya tadbirini tashkil etdi. Mahalladagi yakka –yolgʻiz, boquvchisini yoʻqotgan va nogironligi tufayli oʻzgalar koʻmagiga muhtoj oʻndan ortiq oilalar holidan xabar olinib, oziq-ovqat mahsulotlari tarqatildi.

-Birin- ketin turmush oʻrtogʻim va oʻgʻlimdan ayrildim. Kelinim 4 nafar norasida goʻdaklari bilan mungʻayib qoldi. Oilada erkak boʻlmasa qiyin ekan. Bolalarni yeb –ichishi, kiyinishi bor. Biriga yetkazsang, biriga yetmaydi. Shukrki, deputatimiz Aʼzamjon bizni chorasiz qoldirmayapti. Tez –tez bizni yoʻqlab, oziq-ovqat mahsulotlari, faslga qarab kiyim –kechaklar olib kelib beradi. Shunday saxovatli odamlar borligi uchun ham shukrona keltiramiz. Xudo xohlasa, nabiralarimni ilmli, bilimli qilib tarbiyalaymiz. Xalqimizga xizmat qiladigan, saxovatli insonlar boʻlib yetishsin, deb duo qilaman.

“Inson qadri ulugʻlangan yurt” loyihasi doirasidagi bu kabi tadbirlar ehtiyojmand oilalarga quvonch va shukronalar keltirayotgani uchun ham ahamiyati beqiyosdir.

“Adolat” SDP

Fargʻona viloyat kengashi Matbuot xizmati.