Hisobot yigʻilishi boʻlib otdi

“Adolat” SDP Namangan viloyat kengashining navbatdagi hisobot yigʻilishi boʻlib oʻtdi. Unda boʻlajak saylovga tayyorgarlik, nomzodlar koʻrsatish, zaxira nomzodlarni shakllantirish, saylov toʻgʻrisidagi qonunga kiritilayotgan oʻzgartish va bildirilayotgan munosabatlar, aralash saylovning maqsad-mohiyati, ijro intizomi, aholi murojaatlari bilan ishlash, doimiy komissiyalar faoliyati kabi qator masalalar koʻrib chiqildi.
Partiya faollari oldiga qoʻyilgan mazkur masalalar boʻyicha viloyat kengashi raisi Isroiljon Joʻrayevning  maʼruzasi tinglandi. Partiya tomonidan belgilab berilgan topshiriqlarni oʻz vaqtida bajarilishda Toʻraqoʻrgʻon, Pop, Chust, Kosonsoy, Uchqoʻrgʻon, Norin kabi tuman kengashlari ishiga ijobiy baho berildi. Maʼruza yuzasidan muzokaralarda kengash raisi oʻrinbosarlari Bahodir Boltaboyev, Yorqinoy Hojimatova va kengash matbuot kotibi Muhiddin Imomaliyev soʻzga chiqdi.

Partiya  topshiriqlarini bajarishda alohida namuna koʻrsatgan Toʻraqoʻrgʻon tuman kengashi raisasi Zahroxon Ahmedovaga viloyat kengashining mukofoti topshirildi.

Yigʻilishda koʻrib chiqilgan masalalar yuzasidan qaror qabul qilindi.

“Adolat” SDP

 Namangan viloyat Kengashi Matbuot xizmati.