Hududlarda targʻibot ishlari qizgʻin  

Oʻzbekiston “Adolat” SDP Surxondaryo viloyat Kengashi faollari tomonidan joylarda 30-aprel kuni boʻlib oʻtadigan referendumga faollikka chaqiruvchi targʻibot ishlari olib borilyapti. Xususan, shahar va tumanlardagi gavjum joylarga, bozorlarda, savdo hududlarida, talaba yoshlarga partiya faollari tomonidan boʻlajak referendumga oid bir qator bukletlar, koʻplab flayerlar tarqatilyapti.Xususan, partiya viloyat Kengashi va Termiz shahar Kengashi xodimlari barcha gavjum joylarda – koʻchalarda, bozor va supermarketlarda boʻlib, fuqarolarga huquqiy tushuntirishlar berib, referendumda faollikka chorlovchi partiyaning tarqatma materiallari va targʻibot flayerlari tarqatildi.

Shuningdek, partiya faollari tomonidan loyiha doirasida shahar hududlaridagi savdo doʻkonlarida xaridorlarga, kollejlarda talabalarga, yoʻlovchilarga flayerlar tarqatish asnosida Yangi Konstitutsiya haqida tushuntirishlar ham berib oʻtishdi. Fuqarolarga ushbu olib borilayotgan tadbir maqsadi haqida tushuntirildi.

Oʻz kelajagiga befarq boʻlmagan fuqarolar bu borada tarqatma materiallar hamda ogʻzaki suhbat orqali huquqiy tushunchalar oldilar.

- Biz-yoshlar xalqimiz taqdiri va ertangi kunini belgilab beradigan tarixiy qonunga befarq qaramasdan, 30-aprelda boʻlib oʻtadigan referendumda yangilanayotgan Konstitutsiya uchun ovoz beramiz, — deydi talaba yoshlardan Behruz Shukurov.

Bu boradagi targʻibot ishlari viloyat tumanlarida ham davom etmoqda.

Sardor Ochilov,

Oʻzbekiston “Adolat” SDP Surxondaryo viloyat

“Yosh adolatchilar qanoti” Kengashi raisi.