Imzo toʻplash jarayonida yurtdoshlarimiz faol ishtirok etmoqda

Ayni paytda Oʻzbekiston “Adolat” SDP Surxondaryo viloyat Kengashi tomonidan Prezident saylovida ishtirok etish uchun saylovchilarning imzolarini yigʻish ishlari olib borilyapti.

Xususan, Partiyaning barcha hududiy Kengashlarida partiya vakillari va aʼzolari, deputatlar,faollar ishtirokida saylovchilarning imzosini toʻplash ish, xizmat, oʻqish, yashash joyida, shuningdek boshqa joylarda amalga oshirilmoqda

Jumladan, partiyaning Surxondaryo viloyat Kengashi vakillari tomonidan Termiz shahridagi “Bolajon” bogʻida imzo yigʻish tadbiri yuksak saviyada tashkil etildi.

Tadbirda partiya viloyat Kengashi vakillari, partiya faollari, deputatlar, shahar mahallalari aholisi, yoshlar va OAV vakillari ishtirok etishdi.

Tadbirda imzolarni toʻplash masalasi belgilangan talablarga muvofiq ravishda samarali tashkil etildi. Bunda saylovchilarga imzo varaqalarini toʻldirish tartib-taomillari aniq-ravshan tushuntirildi. Shuningdek, partiya hududiy Kengashlaridagi masʼul xodimlar tomonidan imzo varaqalarining tegishli shaxslar va muayyan hududdagi partiya tuman (shahar) tuzilmalari rahbarlari tomonidan tasdiqlanishi ham nazoratga olingan.

 Shohida Xolliyeva, partiya faoli:

- Mazkur tadbirlarni uyushqoqlik bilan oʻtkazish uchun shahar va tuman partiya kengashlari va boshlangʻich partiya tashkilotlari imkoniyatlaridan samarali foydalanish masalasiga jiddiy eʼtibor berilyapti. Aytish joizki, Saylovdan oldingi imzo yigʻish jarayoni nomzodning xalq orasida obroʻ-eʼtiborini, uning qanchalik darajada xalq orasiga kirib borganligini koʻrsatib beradigan holatdir. Ayni damda partiya viloyat Kengashida 50 ming dan ortiq aʼzo mavjud. Ularning koʻpchiligini 35 yoshgacha boʻlgan yoshlar tashkil etadi.. Oʻz safida 31 ming nafardan ziyod yoshlarni birlashtirgan “Adolat” SDP Surxondaryo viloyat Kengashi vakillari tomonidan mazkur tadbirda ishtirok etgan yoshlarga ham imzo roʻyxatida maʼlumotlarni qanday toʻldirish, imzo qoʻyishda nimalarga eʼtibor berish xususida tushuntirishlar berildi..

 Davlatbek Abduqahhorov, partiya “Yosh adolatchilar qanoti” faoli:

Mamlakatimizda boʻlib oʻtadigan muhim siyosiy tadbir Prezident sayloviga puxta tayyorgarlik koʻrilmoqda.. Jarayonlarda yurt taqdiri va kelajagiga befarq boʻlmagan insonlar qiziqish bilan ishtirok etishmoqda. Biz bugungi “Adolat” sotsial-demokratik partiyasi Surxondaryo viloyat Kengashi tomonidan olib borilayotgan imzo yigʻish jarayonida faol qatnashyapmiz. Men ham saylovchi sifatida imzo qoʻydim. Bugungi mazkur jarayonda “Adolat” SDPning ishtirokini qoʻllab quvvatlaymiz, mazkur partiya tomonidan tavsiya etilgan nomzod mamlakat hayotida, jamiyat taraqqiyotida qatnashish huquqiga ega, u davlat boshqaruvi uchun saylovlarida ishtirok etishga loyiq nomzod. Biz yoshlar ham saylov jarayoniga eʼtiborsiz, yuzaki qaramaslik lozimligini tushungan holda boʻlajak saylovlarda faol ishtirok etamiz.

Bu kabi tadbirlar viloyatning har bir shahar-u tumanida, qishloq mahallalarida qizgʻin jarayonda davom etmoqda. Shu narsani alohida eʼtirof etish zarurki, mazkur tadbirlarda qatnashayotgan yurtimizdagi fuqarolarning faolligi saylov jarayonlariga befarq emasligini, ularning naqadar faol ekanliklarini, aholimizning ertangi kunga boʻlgan ishonchi yanada yuqori ekanligini koʻrsatadi.

Gulshod Tursoatova,

Oʻzbekiston “Adolat” SDP

Surxondaryo viloyat Kengashi matbuot kotibi.