“Inson qadri uchun” tamoyili amalda

Prezidentimizning Oliy Majlis va Oʻzbekiston xalqiga yoʻllagan Murojaatnomasini barcha yurtdoshlarimiz qatorida hayajon bilan tingladik. Ushbu Murojaatnoma mamlakatimiz hayotidagi yana bir muhim tarixiy voqea boʻldi, desak mubolagʻa boʻlmaydi.

Davlatimiz rahbari murojaatnomada Respublikamizning siyosiy, ijtimoiy-iqtisodiy, maʼnaviy-maʼrifiy hayotiga oid oʻta muhim vazifalarga toʻxtalib, 2023 yil nomini eʼlon qildi. Murojaatnomada koʻtarilgan barcha ustuvor vazifalar inson huquqlari, erkinliklari va qonuniy manfaatlarini roʻyobga chiqarishga qaratilgani bilan ahamiyatli boʻldi.

Prezidentimiz kirib kelayotgan 2023 yilni “Insonga eʼtibor va sifatli taʼlim yili” deb nomlashni taklif etdi. Bu taklif yana bir bor mamlakatimizda barcha islohotlar “Inson qadri uchun” tamoyilining uzviy davomi boʻlib, ushbu amalga oshirilayotgan va yoshlarga koʻrsatilayotgan eʼtibor yanada davlat siyosati darajasiga koʻtarilganligidan darak beradi.

Murojaatnomada Prezidentimizning "2023 yildan maktab taʼlimi tizimini xalqaro taʼlim dasturlari asosida yangitdan isloh qilishni boshlaymiz, ona tilimizga eʼtiborni yanada kuchaytiramiz, farzandlarimizni ona tilimiz va kamida ikkita chet tilini qunt bilan oʻrganish lozimligi hozirgi kunning talabidir, ona tilimizni mukammal bilishni, kerak boʻlsa majbur qilishimiz kerak", - degan daʼvatlari menimcha Respublikamizning barcha ustoz va oʻqituvchilarining koʻnglidagi gaplar boʻldi.

Prezidentimizning "2023 yilda Oʻzbekistonda 70 ta yangi maktab quriladi, 460 ta maktab kengaytirilib, ikki smenalik taʼlimni yoʻq qilamiz", -  degan taʼkidlari ham e'tirofga loyiq.

Ushbu ezgu tashabbuslardan kuch olgan holda, “Adolat” sotsial-demokratik partiyasi Sirdaryo viloyat Kengashi yoshlarni har tomonlama yetuk, milliy qadriyatlarimiz asosida teran fikrlovchi, oʻz Vataniga, xalqiga xizmat qiladigan komil insonlar qilib tarbiyalash yoʻlida doimo faol va tashabbuskor bo'lishlariga ishonaman.

S.Usmonov,

"Adolat" SDP Sirdaryo viloyat Kengashi raisi oʻrinbosari