Ishonchli vakil Bandixonlik saylovchilar bilan uchrashuv oʻtkazdi

Ayni kunlarda “Adolat” sotsial-demokratik partiyasidan Oʻzbekiston Respublikasi Prezidentligiga nomzod Robaxon Maxmudovaning Surxondaryodagi ishonchli vakili Rustam Hamrayevning viloyatimiz tumanlari boʻylab saylovchilar bilan uchrashuvlari davom etmoqda.

 Ishonchli vakilning navbatdagi saylovchilar bilan uchrashuvi Bandixon tumani 17-sonli bolalar musiqa va sanʼat maktabida tashkil etildi. Tadbirda tuman Kengashi vakillari, faollar, deputatlar, BPTlar faollari, xotin-qizlar, tuman yoshlari, keng jamoatchilik va OAV vakillari ishtirok etishdi.

Tadbirda nomzodning ishonchli vakili soʻzga chiqib nomzodning hayot yoʻli va Saylovoldi dasturi xususida ishtirokchilarga maʼlumot berdi.

Nomzodning saylovoldi dasturidagi muhim maqsadlar va vazifalar xususida toʻxtalar ekan, hozirgi kunda rivojlangan davlat maqomiga yetishish uchun aholining bilim saviyasini oshirish va dunyoqarashini talab darajasida shakllantirish muhim ahamiyat egaligi xususida aytib oʻtdi.

Shu bois, taʼlimga investitsiya kiritish – xalq farovonligi, davlatning raqobatdoshligini taʼminlashning muhim omili, Dasturda bolalarni maktabgacha taʼlim tashkilotlariga qamrovini kengaytirish orqali ushbu tashkilotlardagi mavjud navbatlarni kamaytirish choralari koʻrilishi xususida toʻxtalib oʻtdi

Shuningdek, bogʻchalarda jamoatchilik nazoratini kuchaytirilishi, ayniqsa, maktabgacha va maktab taʼlimi mamlakat kelajagi uchun hal qiluvchi ahamiyatga egaligidan kelib chiqib, barcha bogʻcha va maktablarga xodimlarni ishga olishni ochiq, shaffof va tanlov asosida tashkil qilishni yoʻlga qoʻyilishi xususida tushuntirib oʻtdi.

Maʼlumki, yangi tahrirdagi Konstitutsiyamizning 52-moddasida davlat oʻqituvchining shaʼni va qadr-qimmatini himoya qilish, ularning ijtimoiy va moddiy jihatdan farovonligi, kasbiy jihatdan oʻsishi toʻgʻrisida gʻamxoʻrlik qilishi haqidagi norma oʻz aksini topdi.

Shunga asosan nomzodning saylovoldi dasturida oʻqituvchining obroʻ-eʼtibori – bu, avvalo, millatning, butun xalqning obroʻ-eʼtibori ekanligi, shu bois pedagog xodimlarning obroʻ-eʼtiborini oshirish hamda yuksak maqomini belgilash orqali ularning jamiyat hayotidagi rolini oshirishga qaratilgan tashkiliy choralar koʻrilishi va shu maqsadda oʻqituvchining maqomiga oid qonunning tezroq qabul qilinishini ustuvor masala etib belgilanishini taʼkidlab oʻtildi.

Tadbir davomida ishtirokchilar oʻzlarini qiziqtirgan savollariga tegishlicha javoblar olishdi.

Dilafroʻz Rahmatova,

Oʻzbekiston “Adolat” SDP

Surxondaryo viloyat Kengashi mafkuraviy ishlar boʻyicha bosh mutaxassisi.