Jonli, qiziqarli va samarali muloqotlar

“Adolat” SDP Namangan viloyat Kengashi faollari Yangilangan Konstitutsiya va unda belgilanayotgan normalar mazmun-mohiyatini targʻib qilish boʻyicha izchil ish olib bormoqdalar. Faoliyatni partiyaning viloyat Kengash raisi Isroiljon Joʻrayev rahbarlik qilayotgan hududdagi referendum shtabi muvofiqlashtirmoqda.

 — Biz birinchi navbatda belgilangan tadbirlar rejasi boʻyicha harakat qildik, — deydi u. – Shu bilan birga joylardan kelgan murojaatlarni ham koʻzdan qochirmadim. Targʻibotchilarimiz tushgan takliflarga binoan uchrashuv va suhbatlar oʻtkazdilar.

Davlatobod tumanidagi 23-maktabgacha taʼlim tashkiloti jamoasi partiya viloyat Kengashiga maktub yoʻllab, Asosiy Qonun loyihasiga bagʻishlab davra suhbati tashkil etib berishni soʻragan edi. Albatta, iltimosga oʻz vaqtida eʼtibor qaratildi. “Adolat” SDP viloyat Kengashi raisi oʻrinbosari Bahodir Boltaboyev boshchiligidagi guruh MTTga yoʻl oldi.

Partiya faollari ishtirokidagi tadbirga tarbiyachilar, enagalar, ota-onalar jamoatchilik vakillari toʻplanishdi. Yangilanayotgan Konstitutsiya loyihasi haqida atroflicha fikr yuritildi. Bu muhim huquqiy hujjatni tayyorlashga “Adolat” SDP qoʻshgan hissasiga alohida urgʻu berildi. Jarayonda MTT xodimlar ham oʻz mulohazalarini bayon etdilar.

Tadbir yakunida davra suhbatining faol ishtirokchilariga partiyamizning sovgʻalari topshirildi.

Nurbek ABDULLAYЕV,
“Adolat” SDP Namangan viloyat Kengashi matbuot kotibi.