Keksalikning siri salomatlikda

Andijon davlat tibbiyot institutidagi “Adolat” SDP boshlangʻich partiya tashkiloti aʼzolari boʻlgan volontyorlar Andijon shahridagi MFYda muntazam targʻibot tadbirlarini olib bormoqda. Ularning navbatdagi qadami keksalar orasida sogʻlom turmush tarzi, toʻgʻri ovqatlanish va sportning inson salomatligiga foydasiga qaratildi.

Binokor MFYda yashovchi 50 nafardan ortiq keksalar yigʻilgan davrada boʻlgʻusi shifokorlar yuqoridagi mavzularda tushuntirish ishlarini olib bordilar. Salomatlik mavzusida tayyorlangan bukletlar ishtirokchilarga tarqatildi.

Bayramona tarzda tashkil etilgan tadbir yakunida otaxon va onaxonlarga guldastalar taqdim etildi.  

“Adolat” SDP Andijon viloyat kengashi

Matbuot xizmati.