Konstitutsiyaga kiritilayotgan oʻzgartirishlar — Yangi Oʻzbekiston taraqqiyoti garovi

Mirobod tuman “Sarikul” mahallasida “Oʻzbekiston Respublikasi Konstitutsiyasi toʻgʻrisida”gi Konstitutsiyaviy qonun loyihasi boʻyicha iqtisodiy, ijtimoiy, siyosiy va huquqiy sohalarda kiritilayotgan qoʻshimcha va oʻzgartirishlar yuzasidan uchrashuv oʻtkazildi.Unda Xalq deputatlari Toshkent shahar Kengashi deputati Matibayev Tashpoʻlat Baltabayevich, Sarikul mahalla raisi U.Yakubova oʻzlarining sermazmun maʼruzalari bilan ishtirok etishdi.

Uchrashuv soʻngida yigʻilish ishtirokchilariga oʻzlarining siyosiy huquqlaridan keng foydalangan holda 2023-yil 30-aprel kuni oʻtkaziladigan referendumda faol ishtirok etish lozimligi tushuntirildi. Mirobod tuman “Sarikul” mahallasida istiqomat qiladigan Husanova Anora 6 ta farzand, 24 ta nabira, 56 ta evara, 3ta chevaraning buvisi.

Deputat T.Matibayev ushbu onaxonning xonadonida ham boʻlib oila aʼzolariga referendum yuzasidan tushuntirishlar olib bordi. Uchrashuv davomida xonadan aʼzolariga oʻzlarining siyosiy huquqlaridan unumli foydalangan holda 2023-yil 30-aprel kuni oʻtkaziladigan referendumda faol ishtirok etishi lozimligi tushuntirildi.

Shuningdek, deputat ishtirokida Mirobod tuman “Zaminobod” mahallasida ham shu mazmundagi tadbirlar oʻtkazildi.

Mehriniso YAKUBOVA,

“Adolat” SDP Toshkent shahar Kengashi matbuot kotibi.