“Konstitutsiyaviy islohotlar – inson qadri uchun”

Mamlakatimizda joriy yilning 30-aprel kuni “Oʻzbekiston Respublikasi Konstitutsiyasi toʻgʻrisida” gi Oʻzbekiston Respublikasi Konstitutsiyaviy Qonuni loyihasi boʻyicha Oʻzbekiston Respublikasining referendumi oʻtkaziladi.

Bugun, Navoiy viloyati bojxona boshqarmasida oʻtkazilgan davra suhbatida ishtirok etgan “Adolat” sotsial-demokratik partiyasining Navoiy viloyati kengashi raisi R.Hayitov Konstitutsiyaviy qonun loyihasining mazmun-mohiyati, uning Vatanimiz taraqqiyoti, jamiyatimiz rivojidagi ahamiyati xususida toʻxtalib oʻtdi.

Tadbir ishtirokchilari ijtimoiy-siyosiy hayotimizdagi muhim voqelik – referendum yuzasidan oʻzlarini qiziqtirgan savollarga batafsil javoblar olishdi.

“Adolat” SDP Navoiy viloyat Kengashi

Matbuot xizmati.