Korrupsiyaga qarshi kurashish yoʻnalishida amalga oshirilgan ishlar boʻyicha maʼlumotlar berildi

Nukus davlat pedagogika instituti Pedagogika fakulteti talabalarining ota-onalari bilan boʻlib oʻtgan uchrashuvda “Jamiyatda ijtimoiy sogʻlom muhitni shakllantirish va korrupsiya holatlari oldini olish” boʻyicha tadbir boʻlib oʻtdi.

Tadbirda institutning korrupsiyaga qarshi kurash “Komplaens nazorat” tizimini boshqarish boʻlimi boshligʻi, partiyaning Nukus shahar Kengashi faoli Palmurza Xojabekov soʻzga chiqib, korrupsiyaga qarshi kurashish yoʻnalishida amalga oshirilgan ishlar va ularning samaradorligi haqida tadbir ishtirokchilariga maʼlumotlar berib oʻtdi.

Bu kabi tadbirlarning oʻtkazilishi talabalarda korrupsiyaga nisbatan huquqiy ongni oshishida, ularda korrupsiyaga nisbatan toqatsizlik madaniyatini shakllanishida katta ahamiyatga ega.

Tadbir soʻngida tadbir ishtirokchilari qiziqqan savollariga soha mutaxassislari tomonidan batafsil javoblar olishdi.

Bir soʻz bilan aytganda, partiyamiz faollari saʼy-harakatlari bilan amalga oshirilayotgan bu kabi tadbirlar, jamiyatimizni halol va korrupsiyadan holi hududga aylantirishga xizmat qilishi shubhasizdir.

“Adolat” SDP

Qoraqalpogʻiston Respublikasi Kengashi Matbuot xizmati.