Mening Konstitutsiyam-mening faxrim

“Adolat” SDP Termiz shahar “Yosh adolatchilar” qanoti Kengashi va Termiz Davlat Universiteti Yoshlar Ittifoqi Boshlangʻich tashkiloti hamkorlikda Abu Ali ibn Sino nomidagi Termiz shahar tibbiyot texnikumida “Mening Konstitutsiyam” mavzusida huquqiy targʻibot tadbiri boʻlib oʻtdi.

Unda partiyaning Termiz shahar Kengashi va partiya Termiz shahar “Yosh adolatchilar qanoti” Kengashi faollari, BPT yetakchilari hamda talaba yoshlar ishtirok etdi

Tadbirda soʻz olganlar har sohada yangilanib borayotgan yangi Oʻzbekiston hayotida Yangi Konstitutsiya katta ahamiyatga egaligi, bugun asosiy qonunimizni yangicha koʻrinishda qabul qilinganligi jamoatchilik takliflari boʻyicha yangilanganligi aytib oʻtildi. Targʻibot doirasida oʻquvchilarga yangilangan Konstitutsiyadagi oʻzgarishlar, xususan tibbiyot sohasining Konstitutsiyaviy normalarda mustahkamlanishi, shaxsiy huquq va erkinliklarning yanada kafolatlanganligi boʻyicha maʼlumotlar berildi.

Malika Muhammadiyeva, Termiz shahar “Yosh adolatchilar qanoti” Kengashi faoli:Aytish mumkinki, yangilanayotgan Konstitutsiya yurtimiz taraqqiyoti va xalqimiz farovonligi rivojiga xizmat qiladi. Unda eng avvalo “Inson qadri uchun” gʻoyasi ustuvor yoʻnalish sifatida belgilangani katta ahamiyatga ega. Ilgari amal qilib kelgan “davlat – jamiyat – inson” tamoyilini “inson – jamiyat – davlat” deb oʻzgartirilganligi yaʼni eng avvalo, inson manfaatini har narsadan ustun qoʻyilganligi ahamiyatlidir.

Shuningdek, tadbir davomida yangilangan Konstitutsiya jamiyatimiz hayotining barcha yoʻnalishlarini kompleks tartibga solishi hamda mamlakatimizni demokratik rivojlantirish yoʻlida eng muhim huquqiy poydevor boʻlib xizmat qilishi xususida taʼkidlab oʻtildi.

Davra suhbatida ishtirokchilar Konstitutsiyamizga kiritilgan oʻzgartishlar yuzasidan oʻz fikrlarini bildirdilar. Tadbir davomida ishtirokchilar mavzu yuzasidan oʻzlarini qiziqtirgan savollariga javob oldilar.

Davlatbek Abdiqahhorov,

“Adolat” SDP Termiz shahar “Yosh adolatchilar qanoti” Kengashi raisi.