Muammolar tezkor oʻrganilib joyida hal etildi

Oliy Majlis Qonunchilik palatasi deputati Dilshod Xamzayev Gʻuzor tumanidagi Batosh mahallasi aholisi bilan uchrashdi. Yuzma-yuz muloqotda deputat ishtirokchilarga yangi Konstitutsiyamiz mazmun-mohiyati, mamlakatimizda amalga oshirilayotgan islohotlar samarasi va qabul qilinayotgan qonunlar xususida atroflicha tushuncha berdi.

Chaqar mahallasi saylovchilari bilan uchrashuvda deputat fuqarolarning koʻpdan koʻp muammolarini oʻrganib joyida hal etdi. Mahalla raisi Quvondiq Nafasov deputatga ichki yoʻllarga shagʻal yotqizib asfalt qilishda amaliy yordam berishini iltimos qildi. Ushbu murojaatga asosan deputat tegishli tashkilotlar bilan muloqotga kirishib odamlarni qiynab kelayotgan muammoni bartaraf etishga erishdi. Mahallaning ichki yoʻllari deputat aralashuvi bilan tuman yoʻl qurilish idorasi masʼullari tomonidan tartibga keltiriladigan boʻldi.

Shuningdek, Dilshod Xamzayev partiyaning Gʻuzor tuman Kengashi raisi Bahrom Mustafoyev hamkorligida Markaziy Osiyoda yagona JTL zavodiga ham tashrif buyurib zavod direktori oʻrinbosari Nosir Zokirov ishtirokida ishlab chiqarish jarayonlari bilan tanishdi. Zavod ishchilari bilan samimiy muloqotga kirishdi. Yurtimiz taraqqiyotida ushbu zavodning tutgan beqiyos oʻrni haqida fikr yuritdi.

       Shodmon Eshboyev, deputat yordamchisi.