Murojaatga munosib javob beramiz

Prezidentimiz Shavkat Mirziyoyev raisligida yangi oʻquv yili arafasida maktab taʼlimidagi masalalarni muhokama qilish va ustuvor vazifalarni belgilab olish yuzasidan oʻtgan videoselektor yigʻilishi aytish mumkinki barchaning eʼtiborini tortdi.. Jumladan, Davlatmiz rahbarining oʻqituvchi va muallimlar, maktab direktorlari va ularning oʻrinbosarlariga murojaati soha xodimlari zimmasidagi masʼuliyatni oshirdi.
Oliy Majlis Qonunchilik palatasi deputati Mavluda Adhamjonovaning Andijon tumanidagi maktablarda yangi oʻquv yiliga tayyorgarlik ishlarini oʻrganishi ham ayni shu maqsadga qaratildi. Deputat maktablardagi tayyorgarlik bilan bir qatorda oʻqituvchilarning kasb mahorati, taʼlim tizimidagi oʻzgarishlarga munosabati va masʼuliyatiga ham eʼtibor qaratdi.
Jumladan, tumandagi 21-maktabda boʻlgan xalq vakili maktab jamoasini yangi oʻquv yilini bayramona kutib olayotgani, Prezidentimiz tomonidan sohaga qaratilgan eʼtibor va Murojaatiga munosib javob berishni oʻz oldiga maqsad qilib olganliklarini kuzatdi.

Ha, chindan ham “Yangi Oʻzbekiston – maktab ostonasidan boshlanadi”, degan ezgu gʻoya asosida sohada katta ishlar amalga oshirilmoqda. Bu kelajagimiz egalarini komil insonlar qilib tarbiyalash va yangi Oʻzbekistonni barpo qilishga xizmat qiladi.

“Adolat” SDP Andijon viloyat kengashi
Matbuot xizmati.