Navbatdagi targʻibot “Turin”da oʻtkazildi

Turin politexnika universitetida “Oʻzbekiston Respublikasi Konstitutsiyasi toʻgʻrisida”gi Oʻzbekiston Respublikasi Konstitutsiyaviy qonuni loyihasining mazmuni va mohiyatini tushuntirish boʻyicha navbatdagi targʻibot tadbiri oʻtkazildi.

Xalq deputatlari Olmazor tumani Kengashi tomonidan oʻtkazilgan targʻibot tushuntirish tadbirida Xalq deputatlari Toshkent shahar Kengashi deputati L.A.Xikmatova va Olmazor tuman xokimi A.Sh.Umarxonov, shuningdek, Xalq deputatlari Olmazor tumani Kengash deputatlari, mahalla raislari hamda xotin-qizlar faollari ishtirok etishdi.

Tadbirda yangilanayotgan Konstitutsiyaga kiritilayotgan oʻzgarishlar, unda inson manfaatlarining eng oliy darajaga olib chiqilayotganligi eʼtirof etildi.

Shuningdek, Chilonzor tumanidagi “Olmazor” MFYda oʻtkazilgan tadbirda Oʻzbekistonda xizmat koʻrsatgan artist, Xalq deputatlari Chilonzor tuman Kengashi deputati Aleksandr Bekjonov hamda “Adolat” SDP Chilonzor tuman Kengashi raisi Madamin Dehqonov ishtirok etib, mahalla aholisiga Referendum yuzasidan keng tushuncha va maʼlumotlar berib oʻtdi.

Mehriniso Yakubova,

“Adolat” SDP Toshkent shahar Kengashi matbuot kotibi.