Navoiy davlat pedagogika institutida deputat va yoshlar uchrashuvi boʻlib oʻtdi

Navoiy davlat pedagogika instituti majlislar zalida “Deputat va yoshlar uchrashuvi” tashkil etildi.

Uchrashuvda Oʻzbekiston “Adolat” SDP Navoiy viloyat Kengashi raisi, xalq deputatlari viloyat Kengashi deputati Rustam Hayitov hamda institutning faol talaba yoshlari ishtirok etdi.

Tadbirda, viloyat Kengashi deputati Rustam Hayitov soʻzga chiqib, Prezidentimiz tomonidan joriy — 2023-yilni Oʻzbekistonda “Insonga eʼtibor va sifatli taʼlim” yili deb eʼlon qilishni taklif etganligi taʼlim sifatini oshirish – Yangi Oʻzbekiston taraqqiyotining yakka-yu yagona toʻgʻri yoʻli ekanligini koʻrsatayotganligini alohida taʼkidladi.

Shuningdek, deputatimiz uzluksiz taʼlim tizimini muntazam takomillashtirish, yoshlarga sifatli taʼlim tarbiya berish, yuqori malakali kadrlarni tayyorlash, oliy taʼlim tizimini tubdan takomillashtirishga qaratilgan tizimli ishlarni davom ettirish toʻgʻrisida maʼlumot berib oʻtdi.

Ochiq muloqot tarzida tashkil etilgan ushbu uchrashuvda yoshlar oʻzlarini qiziqtirgan savollar bilan maʼruzachilarga murojaat qilishdi. Ishtirokchi yoshlar deputatga oʻzlari yashaydigan hududda ishga joylashish, imtiyozli kreditlar olish hamda tadbirkorligi uchun joy soʻrab murojaat qilishdi.

Uchrashuvda deputatimiz tomonidan talaba yoshlarni qiziqtirgan barcha savollarga batafsil tushuntirishlar berildi hamda bunday muloqotlarni muntazam oʻtkazib turishga kelishib olindi.

“Adolat” SDP Navoiy viloyat
Kengashi matbuot xizmati