Navoiydan partiyaning XI Qurultoyiga delegatlar saylandi

Oʻzbekiston “Adolat” sotsial-demokratik partiyasi tomonidan Oʻzbekiston prezidentligiga nomzod koʻrsatish masalasini partiyaning navbatdagi XI Qurultoyida muhokama etiladi.

Shu bois hududlardan qurultoyda ishtirok etadigan delegatlarni saylashga bagʻishlangan tadbirlar oʻtkazilmoqda.

Ana shunday tadbirlardan biri partiyaning Navoiy viloyat Kengashining XI konferensiyasi boʻlib oʻtdi. Unda xalq deputatlari mahalliy Kengashlardagi partiya deputatlari, viloyat partiya kengashi xodimlari, eng faol BPTlar vakillari, hududiy kengashlarning raislari, partiya faollari va OAV vakillari ishtirok etdi.

Hozirgi kunda Navoiy viloyatida 49674 nafar aʼzo mavjud 785 ta boshlangʻich partiya tashkilotlariga birlashgan.

Konferensiya ishini viloyat partiya Kengashi raisi Rustam Hayitov kirish soʻzi bilan ochib, dastavval partiya faoliyatiga toʻxtaldi. Partiyaning dasturiy maqsad va vazifalarining viloyatdagi qay darajada bajarayotganligi, mamlakatimizda konstitutsiyaviy va boshqa amalga oshirilayotgan islohotlarda ishtiroki va partiya loyihalar asosida olib borilayotgan ishlarga eʼtibor qaratdi.

R. Hayitov shundan soʻng Konferensiya ishtirokchilari kun tartibidagi asosiy masala muhokama etildi. Har bir partiya saylovda ishtirok etish uchun oʻz nomzodini ilgari surmoqda. Boʻlib oʻtadigan Oʻzbekiston Respublikasi Prezidenti saylovi demokratik islohotlarning yorqin ifodasi ekanligi eʼtirof etildi.

Qizgʻin muhokamalardan soʻng Oʻzbekiston “Adolat” SDP Siyosiy Kengashining XI-Qurultoyiga delegatlarni saylash toʻgʻrisidagi masala delegatlar oldiga qoʻyildi. Partiya faoliyatida oʻz oʻrniga ega, tashabbuskor va siyosiy jarayonda masʼuliyat bilan ish olib boruvchi 8 nafar munosib nomzodlar ochiq ovoz berish orqali saylab olindi.

Tadbir soʻngida kun tartibidagi masala yuzasidan tegishli qaror qabul qilindi.

“Adolat” SDP Navoiy viloyat Kengashi
Matbuot xizmati