Oʻqituvchi jamiyat eʼtiborida

Keyingiyillarda taʼlim sohasi xodimlariga boʻlgan eʼtibor yanada ortdi. Oʻqituvchilar faoliyatini qoʻllab-quvvatlash, mehnatini qadrlash va jamiyatdagi oʻrnini yuksaltirish masalasi davlat siyosati darajasiga koʻtarildi. Oliy Majlis Qonunchilik palatasi deputati Mavluda Adhamjonova ishtirokida Andijon tumanidagi 4-umumtaʼlim maktabida boʻlib oʻtgan davra suhbati ayni shu mavzuga bagʻishlandi.
Deputat Prezidentimiz boshchiligida taʼlim sohasini isloh qilish borasida olib borilayotgan ishlar, tizim bilan bogʻliq qonunchiligimizga kiritilgan oʻzgarishlar xususida yigʻilganlarga tushuncha berdi. Taʼlim sifati oshib borayotgani, farzandlarimizni yetuk va komil insonlar qilib tarbiyalash yoʻlidagi loyihalar va oʻqituvchi masʼuliyatiga ham eʼtibor qaratildi.

Mazkur maktab oʻqituvchilari kun tartibidagi masala yuzasidan oʻz fikrlarini bildirdilar. Eʼtiborga javoban kelajak avlod tarbiyasi yoʻlida yanada shijoat bilan ishlashlarini bildirdilar.

Murodjon Qodirov,

“Adolat” SDP Andijon tuman kengashi raisi.