Partiya — birlashtiruvchi kuchga aylanishi kerak

Adolat SDP oʻz elektorati manfaatlaridan kelib chiqib, Saylovoldi dasturida aks etgan gʻoya va tashabbuslarni qoʻllab-quvvatlovchi partiya xayrixohlari va aʼzolarini birlashtiruvchi kuchga aylantira olishi kerak, degan ezgu maqsad bilan partiya jamoasi dadil odimlamoqdalar. Eng avvalo, bu intilishlarda bosh boʻluvchi tuman-shahar Kengashi raislarining siyosiy qarashlari, maʼnaviy yuksakligi va shijoati muhim ahamiyat kasb etadi. Viloyat Kengashi raisi Shahnoza Gʻaniyeva boshchiligidagi yetakchi mutaxassislar dastlab Dangʻara va Bagʻdod tumanlaridagi Kengash raislarining faoliyati yuzasidan batafsil oʻrganishlar olib borgan boʻlsalar, navbatdagi tahliliy oʻrganish Fargʻona shahrida tashkil etildi.

Fargʻona shahar Kengashida 49 ta boshlangʻich partiya tashkilotlari mavjud. Unda 1500 ga yaqin partiya aʼzolari birlashgan. Katta kuchni yanada jipslashtirish, ular oʻrtasida maʼnaviy- maʼrifiy tadbirlarni muntazam yoʻlga qoʻyish, fidoyilarni ragʻbatlantirib borish ishlari tahlil qilindi. Partiya aʼzolari safini yanada kengaytirish, meʼyoriy hujjatlar bilan tizimli ish olib borish kabi qator masalalar oʻrganilib, Kengash faoliyatini yanada rivojlantirish yuzasidan zarur tavsiyalar berildi.

“Adolat” SDP

Farg’ona viloyat kengash Matbuot hizmati.