Prezident granti talabalar uchun katta imkoniyat boʼldi

08.07.2021 03:07:15

Oliy taʼlim muassasalari bakalavriatining kunduzgi taʼlim shakliga kirish imtihonlarida eng yuqori ball toʼplagan 200 nafar yoshlar uchun Oʼzbekiston Respublikasi Prezidenti granti joriy qilindi. Bu haqda “Respublika oliy taʼlim muassasalariga talabalikka qabul qilingan iqtidorli yoshlarni yanada qoʼllab-quvvatlash chora-tadbirlari toʼgʼrisda”gi qarorda koʼzda tutilgan.

Qarorda belgilanishicha, Prezident granti sovrindorlari birinchi kursda barcha fanlarni aʼlo baholarga oʼqigan, maʼnaviy-maʼrifiy va ilmiy tadqiqot yoʼnalishlarida yutuqlarga erishgan mazkur grantga daʼvogar talabalar orasidan maxsus tanlov asosida saralab olinadi. Oʼtkazilgan tanlov natijalariga koʼra, gʼolib boʼlgan talabalarga Oʼzbekiston Respublikasi Prezidenti davlat stipendiyasi tayinlanadi va toʼlab beriladi.

Shuningdek, Prezident stipendiyasiga daʼvogar abiturientlar davlat granti asosida oʼqishga qabul qilinadi. Har bir oʼquvchi-yoshlar bu imkoniyatdan unumli foydalanishi, oʼz imkoniyatlarini yanada safarbar etishi, ilm olib, oʼqib-izlanishi, iqtidori, salohiyatini yanada namoyish etishi uchun turtki boʼldi.

Yoshlar bu imkoniyatdan samarali foydalanib oʼz istagan maqsadlarining yuqori choʼqqisiga chiqa olishlari shubhasiz.

Muhtaram Prezidentimiz ham ertaning munosib egalari sanalgan yoshlar uchun ajratayotgan har bir grant loyihalar faqatgina yoshlarga katta kuch, motivatsiya bagʼishlashi bilan bir qatorda, ularga yanada gʼayrat va shijoat beradi.

Shunday ekan, keling aziz yoshlar, imkoniyatdan unumli foydalanaylik, bizga berilgan ikmoniyatni qoʼldan boy bermaylik. Eng asosiysi esa oʼz salohiyatimizni shu Vatan kelajagi yoʼlida sarf etaylik, ertaning munosib egalari boʼlaylik.

 

Mehrinoz АBDIYAZOVА,

Oʼzbekiston “Аdolat” SDP

Shovot tuman Kengashi raisi,

“Yoshlar parlamenti” aʼzosi

Ulashing!

Fikringizni qoldiring

Iltimos javobingizni kiriting

+