Qadri va qaddi baland ustoz shifokor

Salomatlik inson hayoti uchun eng muhim masala hisoblanadi. Bu borada esa tinim bilmasdan tibbiyot sohasida faoliyat olib borayotgan, umr yoʻllarini shu sharafli ishga bagʻishlab yashayotgan tibbiyot sohasi xodimlariga taʼzim izhor etsang ham kamdek tuyuladi. Shu bois ham Davlatimiz tomonidan sohaga va soha vakillari faoliyati alohida eʼtirof etilib, ularga ehtirom koʻrsatish ustuvor vazifa sifatida qaralmoqda. Respublika ixtisoslashtirilgan onkologiya va radiologiya ilmiy-amaliy tibbiyot markazi Xorazm filialida yarim asrdan ziyod mehnat qilib, hayot yoʻllarini insonlar salomatligiga baxshida etib kelayotgan Irina Chirkova ana shunday jafokash, fidoyi, oʻz kasbining serqirra isteʼdod egasi, ehtiromga sazovor shifokor ustozlar sirasiga kiradi.

Irina Cherkova 76 bahorni qarshilab, umrining 52 yilini bemorlarni sogʻlom hayotga qaytarish uchun, xalqimiz salomatligi yoʻlida bor mashaqqatni zimmasiga olib xizmat koʻrsatib kelayotgan tajribali onkolog shifokor sifatida xalqimizning eʼtiboridan munosib joy olgan. Irina Petrovnaning mashaqqatli va sharafli mehnatlarini eʼtiborga olib, sogʻliqni saqlash sohasidagi islohotlarni amalga oshirish va sohaga qoʻshgan munosib xizmati uchun Sogʻliqni saqlash vaziri tomonidan tashakkurnoma bilan taqdirlandi.

Irina Petrovnani onkologlar jamoasi, shogirdlari nomidan yutuq bilan qutlaymiz va kelgusi hayoti va faoliyatida ulkan zafarlar tilaymiz.

                                                                                  Zamira Abdullaeva,

                                                                            “Adolat” SDP Xorazm viloyat Kengashi,

        RIO va RIATM Xorazm viloyat filiali matbuot kotibi,

                                                                        Oʻzbekiston jurnalistlar uyushmasi aʼzosi.