Samarqandlik Adolatchilar “Qurultoy” ga delegatlarni sayladi

Mamlakatimiz hayotida juda muhim siyosiy jarayonlar va kattadan-katta oʻzgarishlar roʻy bermoqda. Muddatidan oldin Oʻzbekiston Respublikasi Prezidenti sayloviga tayyorgarlik esa jadal tarzda amalga oshirilib kelinmoqda.

Bugungi kunda partiyaning viloyat Kengashidagi barcha shahar va tuman tashkilotlarida Konferensiyalar yuqori saviyada oʻtkazilib, Hududiy Konferensiya uchun delegatlar saylab olingan edi. Ana shu delegatlar ishtirokida “Adolat” sotsial demokratik partiyasi Samarqand viloyati Kengashining Konferensiyasi boʻlib oʻtdi. Davlatimiz madhiyasi bilan boshlangan Konferensiyani Samarqand viloyat Kengashi raisi Muhiba Bababekova olib bordi hamda kun tartibidagi masalalar bilan ishtirokchilarni tanishtirdi.

Muhiba Bababekova qayd etib oʻtganidek mamlakatimizda amalga oshirilayotgan ijobiy ishlarga partiya tashkiloti ham oʻzining munosib hissasini qoʻshib kelmoqda. Oʻtgan davr mobaynida “Adolat” SDP Samarqand viloyat Kengashi “Adolat har bir inson uchun” deb nomlangan saylovoldi dasturining ustuvor vazifalarini izchil amalga oshirish doirasida siyosiy maydonida tashkiliy-siyosiy pozitsiyalarini yanada mustahkamlash, omma orasida sotsial-demokratik dunyoqarashni, partiya mafkurasini ilgari surish jarayonlarida faol ishtirok etdi. Omma orasida partiya taniluvchanligini oshirish, partiya elektorati manfaatlariga doir masalalarni aniqlash va hal etishda partiya tuzilmalarining deputatlik guruhlari bilan oʻzaro samarali hamkorlik olib borilmoqda.

Eʼtirof etish kerakki, yurtimizda deputatlarimiz faoliyati avvalgidan ancha faollashdi. Bu esa, albatta, ularning xalqimiz orasida yaxshiroq tanilishga sabab boʻlmoqda. Ular tomonidan hududlardagi muammolarni oʻrganishlari va ijro organlari bilan hamkorlikda mavjud muammolarni hal qilishlari deputatlarimizga nisbatan ishonchini yanada ortishiga asos boʻlmoqda.

Albatta eng avvalo saylovlarda munosib ishtirok etish uchun oldingi saylov kompaniyalarini chuqur tanqidiy tahlil etish va boshqa siyosiy partiyalar salohiyatini oʻrganib chiqishim zarur. Partiyamizning joylardagi yorqin imijini shakllantirish maqsadida joylarda partiya maqsad va gʻoyalarini yoritib beruvchi tadbirlar tashkil etyapmiz, ushbu faoliyatda BPTlarining ishtiroki kengaytirilmoqda. Ushbu ishlarning barchasi saylovlarni munosib tashkil etish va yuqori natijalarga erishishga qaratilgan deydi — oʻz soʻzi davomida Partiyaning Tayloq tuman Kengashi raisi Nilufar Akramova.

Qizgʻin muhokamalardan soʻng Oʻzbekiston “Adolat” SDP ning maqsad va vazifalarini keng targʻib qilishda, partiya tashkilotlari oʻtkazadigan tadbirlarda ishtirok etib, oʻz fikr-mulohazalarini erkin bildirishda faol boʻlgan partiya aʼzolari va faollaridan 11 nafari delegat etib saylandi. Shu asnoda delegatlar Siyosiy partiya Qurultoyda ishtirok etish huquqini qoʻlga kiritdi. Shu asnoda Partiya hayotida faol va yoshlar oʻrtasida partiyamizning saylovoldi dasturining keng targʻib etilishida katta hissa qoʻshib kelayotgan bir guruh yoshlar va shahar, tuman hamda viloyat deputatlari tashakkurnomalar bilan taqdirlanishdi.

Gulnafisa Abdimurodova,

“Adolat” SDP Samarqand viloyat Kengashi matbuot kotibi.