Saxovat va ko'mak – ezgu qadriyat!

Tabarruk qadamjolarga ziyorat qilish kishi ma'naviyatini yuksaltirishga xizmat qiluvchi omillardan sanaladi. Yetti Pirning yurti bo'lmish Buxoro qadim-qadimdan islom dinining ma'naviy markazlaridan biri bo'lib kyelgan. Bu yerdagi madrasalar, masjidu maqbaralar, ko'kka bo'y cho'zib turgan minoralar hali hanuz kishilarni o'ziga maftun etib kelmoqda.

Partiyaning “Saxovat – benazir qadriyat” loyihasi doirasida Buxoro shahar Kengashi raisi, Xalq deputatlari Buxoro shahar Kengashi deputat Abdurauf Ahmedov homiyligida  bir guruh ko'zi ojiz nogironlar uchun Buxoro viloyatida joylashgan “Yetti Pir” ziyoratgohiga sayohat tashkil etildi.

Ziyoratchilar Buxoro viloyati bo'ylab “Yetti Pir” ziyoratgohini ziyorat qilib, tabarruk maskanlar va u yerda yashab o'tgan avliyolar hayoti bilan yaqindan tanishdilar. Tabarruk maskanlarga sayohat juda qiziqarli va mazmunli o'tib, nafaqat madaniy hordiq chiqardilar balki, o'zlari uchun ma'naviy ozuqa olib, o'z ma'naviy olamini yanada boyitib oldilar.

Shundan so'ng,- ko'zi ojizlar jamiyati a'zolari turfa xil noz-ne'matlar bilan bezatilgan dasturxon atrofida jam bo'ldilar.

Ko'rsatilgan e'tibor va g'amxo'rlikdan mamnun jamiyat a'zolari duoga qo’l ochib, yurtimiz tinchligi va sahovatpesha deputatimizga uzoq umr tilab duo qildilar.

Mohigul Rahimqulova,

“Adolat” SDP Buxoro viloyat Kengashi matbuot kotibi.