Serqirra iqtidor egasi, yosh adolatchimiz “Spark” yengil avtomobili bilan taqdirlandi

“Adolat” SDP Xorazm viloyat Kengashi faoli, partiya qoshida tashkil etilgan “Isteʼdod”klubining ilk qaldirgʻochi, “Adolat belbogʻi” sovrindori, Yosh adolatchimiz partiyaning dastur va gʻoyalarini, maqsad va vazifalarini hayotga tatbiq etishda hamda “Isteʼdod” klubining faol aʼzosi sifatida, klub aʼzolar sonini oshirishdagi xizmatlari munosibdir. U bir nechta kitoblar muallifi, Prezident stipendiyasi sovrindori kabi bir qator yutuqlarni qoʻlga kiritib kelgan.

Urganch davlat universiteti oʻqituvchisi, partiyadoshimiz Akbarbek Ataboyev “Ilhom” mukofoti respublika tanlovida gʻolib deb topildi va “Spark” yengil avtomobili bilan taqdirlandi.

Sovgʻani oʻz egasiga Oliy taʼlim, fan va innovatsiyalar vaziri Ibrohim Abdurahmonov topshirdi.

-Iqtidorim, oʻzimga boʻlgan ishonchimni mustahkamlanib borishida partiyamni hissasi katta boʻldi,- deydi yosh adolatchimiz. Partiya faollari tomonidan menga bildirilgan ishonch, zimmamga katta masʼuliyat yuklab keldi. Kelgusida partiyamning rivoji uchun partiyadoshlarim bilan yelkama-yelka turib, bor kuch va gʻayratimni, isteʼdodimni safarbar etaman.

  Serqirra iqtidor egasi, yosh adolatchimizni yutuq bilan qutlaymiz va yuksak parvozlar tilaymiz.

                                                                                                      Zamira Abdullaeva,

              “Adolat” SDP  Xorazm viloyat Kengashi matbuot kotibi.