Sifatsiz va qalbakilashtirilgan dori vositalariga qarshimiz

Bugungi kunda partiyamiz faollarining diqqat-eʼtibori aholi salomatligini saqlash va bemorlarni davolashda sifatli va samarali taʼsir etadigan dori-darmonlardan foydalanish holatlarini nazorat qilib borishga qaratilgan.

Ushbu maqsadida 8 noyabr kuni “Adolat” SDP viloyat kengashining bir guruh vakillari Yangiqoʻrgʻon tumanidagi 57-oilaviy poliklinikada boʻlib, tibbiyot xodimlari ishtirokida bemorlarni qabul qilish, tibbiy koʻrikdan oʻtkazish va muolaja jarayonida qoʻllaniladigan dori-darmonlardan foydalanish, dorilarning sifati va yaroqliligi holatlarini koʻzdan kechirdilar.

Viloyat kengashi raisi oʻrinbosari Yorqinoy Hojimatova partiyaning jamoatchilik nazorati ostida oʻtkazilayotgan “Sifatsiz va qalbakilashtirilgan dori vositalarga qarshimiz” nomli loyihasining mazmun-mohiyati haqida tibbiyot xodimlariga atroflicha tushuncha berdi.

Oʻquv mashgʻuloti sifatida oʻtkazilgan ushbu tadbirda, Yangiqoʻrgʻon, Toʻraqoʻrgʻon, Pop va Chust tumanlarining kengash raislari va partiya faollari ishtirok etishdi.

Tadbir ishtirokchilari partiya loyihasi doirasida amalga oshirilishi lozim boʻlgan ishlar haqida atroflicha tushuncha olishdi.

“Adolat” SDP 

Namangan viloyat kengashi Matbuot xizmati.