Sportni sev, sport bilan yasha!

 “Adolat” SDP Termiz shahar “Yosh adolatchilar qanoti” Kengashi va shahar Kengashi deputatlari tomonidan Termiz davlat universiteti talabalari oʻrtasida sportning shaxmat-shashka turi boʻyicha musobaqa oʻtkazildi. “Sportni sev, sport bilan yasha” shiori ostida talaba yoshlar oʻrtasida tashkil etilgan mazkur bellashuvlar avvalida partiya shahar Kengashining “Yosh adolatchilar qanoti” guruhi faollari tomonidan bugungi kunda ertamiz egalariga yaratilayotgan shart-sharoitlar, imkoniyatilar xususida atroflicha fikr bildirildi. Musobaqa qizgʻin oʻyinlarga boy boʻldi.

Murosasiz kechgan qizgʻin bahslarda universitetning yuridik fakulteti 3-kurs talabasi Islombek Rahmonov 1-oʻrinni, tabiiy fanlar fakulteti 1-kurs talabasi Dilmurod Shoyimov 2-oʻrinni, fizika –matematika fakulteti 1-kurs talabasi Azizbek Shodmonov 3-oʻrinni egallab musobaqa gʻolibi boʻlishdi.

-Bunday musobaqalarning tashkil etilayotgani yoshlarga, yanada shijoat, har sohada yutuqlarga intilish ishtiyoqini bermoqda, — deydi partiya shahar Kengashi raisi Asilbek Gaziyev. –Ayniqsa, xalq deputatlari mahalliy kengashlardagi partiya deputatlik guruhi aʼzolarining musobaqalardagi ishtiroklari, bellashuv qatnashchilariga, gʻoliblarga eʼtibor qaratishlari ham yangi marralarga intilishlarida qanot boʻlmoqda.

Musobaqalar yakunida gʻoliblarga partiyaning hamda deputatlarning esdalik sovgʻalari topshirildi.

Davlatbek Abdiqahhorov,

 “Adolat” SDP Termiz shahar “Yosh adolatchilar qanoti” Kengashi raisi.