Taʼlimda korrupsiyaga yoʼl bermaymiz!

Oʼzbekiston “Adolat” SDP Qoraqalpogʼiston Respublikasi Kengashi tomonidan Nukus davlat pedagogika institutida «Taʼlimda korrupsiyaga yoʼl bermaymiz!» mavzusida yoshlar va Oliy taʼlim mussasalari xodimlarini jalb etgan xolda tadbir tashkil etildi.

Tadbirda Xalq deputatlari Nukus shahar Kengashi deputati, partiyaning Qoraqalpogʼiston Respublikasidagi «Ayollar qanoti» raisi U.Seytjanova soʼzga chiqib, Oliy taʼlim sohasida korrupsiyaviy xavf-xatarlarni bartaraf etish borasida muayyan ishlar amalga oshirilganligini hamda joylardagi oliy taʼlim muassasalari va filiallarida korrupsiyaga qarshi kurashish yaʼni, «Komplaens nazorat» tizimini boshqarish boʼlimlari joriy etilganligini taʼkidladi.

Shundan soʼng boʼlim rahbarlari oʼz tashkilotlarida korrupsiya holatlarini barvaqt aniqlash va oldini olish, ularning sabab va shart-sharoitlarini bartaraf etish, manfaatlar toʼqnashuviga yoʼl qoʼymaslik hamda korrupsiyaga nisbatan murosasiz munosabatni shakllantirish borasidagi oʼz fikrlarni bildirishdi.

Shuningdek, tadbir davomida itirokchilar tomonidan «Adolat» sotsial-demokratik partiyasi tomonidan oʼz saylov dasturida oliy taʼlim tizimini tubdan takomillashtirishga qaratilgan ishlari hamda korruptsiyaga oid holatlarning oʼz vaqtida oldini olish, ularni aniqlash va bartaraf etilishini taʼminlash borasidagi dasturiy vazifalar yuzasidan fikr-mulohazalar bildirildi.

Dinmuxammed BEGJANOV,
Oʼzbekiston «Adolat» SDP Qoraqalpogʼiston Respublikasi Kengashi
Mafkuraviy ishlar boʼyicha bosh mutaxassis