Tadbir aholining tibbiy madaniyatini oshirishga va sogʼlomlashtirishga xizmat qiladi

 “Аdolat” sotsial-demokratik partiyasi Xorazm viloyat Kengashi, partiyaning Yangibozor tuman Kengashi hamda Respublika ixtisoslashtirilgan onkologiya va radiologiya ilmiy-amaliy tibbiyot birlashmasi Xorazm filiali bilan hamkorlikda partiyaning “Salomatlik yoʼlida birlashaylik!” loyihasi doirasida Yangibozor tuman tibbiyot birlashmasida “Аholining tibbiy madaniyatini oshirish va sifatli tibbiy xizmat koʼrsatish - ustivor vazifalardan biridir” mavzusida davra suhbati tashkil etildi.

 Tadbirga partiya faollari, deputatlari, tibbiyot sohasi xodimlari, xalq deputatlari tuman Kengashi kotibiyati yetakchilari ishtirok etishdi.

 Tadbirni partiyaning viloyat Kengashi raisi oʼrinbosari Ulugʼbek Quryazov kirish soʼzi bilan ochib berdi. Unda, zamonaviy, yuqori texnologiyali, samarali tez tibbiy yordam xizmatini shakllantirish choralarini koʼrish, shoshilinch tez tibbiy yordam xizmatining tezkorligi xalqaro eʼtirof etilgan talablarga mos boʼlishi, uni boshqarishni axborot tizimini joriy qilish va moddiy-texnika bazasini mustahkamlash partiyaning saylovoldi dasturida asosiy masala sifatida ilgari surilgani va hayotga tadbiq etilib kelinayotgani toʼgʼrisida taʼkidlandi.

Shuningdek, RIOva RIOTM Xorazm viloyat filiali ximioterapiya boʼlimi mudiri, onkolog shifokor Roʼzmat Gʼofurov soʼzga chiqib, davlatimiz tomonidan tibbiyot sohasi rivoji uchun yaratilayotgan imkoniyatlar, olib borilayotgan islohotlar xususida soʼz yuritdi. Shuningdek, aholining tibbiy madaniyati va bilimini oshirish dolzarb masalalardan ekani, oʼtkazilayotgan tibbiy koʼriklardan samarali foydalanish sogʼligi uchun muhim ekanini toʼgʼrisida aholiga tushintirish ishlarini kuchaytirish oʼz navbatida bemorda aniqlanayotgan, ayniqsa kechikib aniqlangan kasallikni oldini olishga erishilishi toʼgʼrisida bir qator hayotiy misollar bilan tushintirib berdi.

Fikr-mulohazalar, taklif va tavsiyalar qizgʼin tus olgan tadbir soʼngida ishtirokchilar qiziqqan savollariga atroflicha javoblar olishdi.

 Bir soʼz bilan aytganda, hamkorlikdagi bu kabi ochiq muloqotlar, soha rivoji, tibbiyot xodimlarining ishchanlik kayfiyatini oshirish orqali aholi salomatligining mustaxkamlanib borishiga xizmat qiladi.

 Zamira АBDULLАEVА,

 “Аdolat” SDP Xorazm viloyat Kengashi matbuot kotibi