Tadbir yoshlar ongida adabiy muhitni mustahkamlashga xizmat qildi  

Xorazm viloyat hokimligi va hamkor tashkilotlar tomonidan “Adolat” SDP Xorazm viloyat Faxriylar Kengashi raisi, Oʻzbekiston yozuvchilar uyushmasi aʼzosi, shoir – dramaturg Qurbon Muhammadrizoning   85 yillik qutlugʻ yoshi keng nishonlanmoqda.

Shu munosabat bilan “Adolat” SDP Xorazm viloyat, Urganch shahar Kengashlari hamda Urganch davlat universiteti akademik litseyi hamkorligida partiyaning “ Eʼtibor va eʼzoz” loyihasi doirasida “Ustozga ehtirom” mavzusida maʼnaviy-maʼrifiy tadbir tashkil etildi.

Tadbirga mazkur litseyning oʻqituvchi va oʻquvchilari, partiya faollari va deputatlari ishtirok etishdi.

Tadbirni litsey direktori Atabek Rahimov kirish soʻzi bilan ochib, “Adolat” SDPning maqsad va vazifalariga ijobiy munosabatini bildirdi va Qurbon Muhammadrizoning ijodi va bosib oʻtgan sermazmun izi toʻgʻrisida gapirdi.

Shundan soʻng soʻzga chiqqan partiya faollari adibning yetmishdan ziyod kitoblari chop etilgani, qalamiga mansub oʻnga yaqin tarbiyaviy ahamiyatga ega boʻlgan spektakllar, taniqli sanʼatkorlar tomonidan aytilib, xalqimiz eʼtiboridan joy olgan oʻndan ziyod qoʻshiqlari, partiyaning xalq orasidagi nufuzini oshib borishidagi munosib va alohida xizmatlari toʻgʻrisida eʼtirof etishdi.

Tadbir davomida Q.Muhammadrizoning slayd orqali hayoti va ijodi toʻgʻrisidagi lavhalar namoyish etildi.

Partiyamiz faxriysi tomonidan aytilgan sheʼr va gʻazallar hamda ishtirokchi yoshlar tomonidan adib qalamiga mansub ijod namunalari, yosh rassomlarning chizgan surʼatlari va savol-javoblar tadbir samaradorligini yanada oshirdi.

Vohamizda bu kabi tadbirlar davom etmoqda.

                                                                                     Zamira Abdullayeva,

    “Adolat” SDP Xorazm viloyat Kengashi matbuot kotibi.